Насер Зенуни од Алијансата за Албанците на Зијадин Села ја објави кандидатурата за градоначалник на општина Брвеница.
Во оваа општина мора да се одржат избори за градоначалник по смртта на Јовица Илиевсли кој почина во Јуни.
,,Храброст да се започне она што Брвеница го чекаше долго време”, објави Зенуни најавувајќи дека влегува во битка за општински татко на Брвеница.
Зенуни во Брвеница е познат како внук од сопругот на Илире Даути, пратеничка на Алијансата за Албанците.
Зенуни на социјалните мрежи споделува објави со неговата блиска роднина.
Дел од албанските фактори сега иронично прашуваат дали Даути ќе се повлече од пратеничката функција ако нејзиниот внук ги загуби изборите како што се повлекла од висока партиска функција пред 4 години кога АА доживеа дебакл во Тетово.
Пратеничката на Алијанса за Албанците, Илире Даути, во 2022 година соопшти дека понесла оставка од функцијата координатор на пратеничката група на партијата во Собранието.
Пратеничката тогаш ја соопшти одлуката на својот фејсбук-профил, а како причина ги наведе слабите резултати на Алијанса за Албанците на изборите за Совет на Општина Тетово, на кои нејзината партија не освои ниту еден мандат.
„Резултатот на последните локални избори, а уште повеќе многу слабиот резултат за Советот на Тетово, ме погоди и мене, а мојата совест како пратеник од шестата изборна единица не го надминува тоа и не можам да бидам рамнодушна. Затоа, ве информирам дека штотуку поднесов оставка од функцијата координатор на пратеничката група на Алијансата за Албанците, единствена титула што ја имам во моментов од политичкиот субјект. Вам кои верувавте во мене континуирано, сакам да ви кажам благодарам од се срце, ако можете продолжете да верувате во мене затоа што јас силно верувам во вас“, објави тогаш Даути.