Во македонската заедница во Швајцарија се случува битка за една најбогатите црковни општини на МПЦ-ОА, брифираат претставници на други македонски цркви во Швајцарија и Германија кои го следат случајот.
Припадници на група која тврди дека има поддршка од владиката на Европската Епархија Пимен најавува дека се подготвува да ја преземе контролата на црквата во местото Тичино во градот Луцерн.
Оваа група смета дека треба да дојде до промена на раководството на црковната општина затоа што биле потребни промени шест години по формирањето.
Групата не кажува детали зошто е потребно да се менуваат луѓето за кои досега нема забелешка за работењето и кои се почитувани од македонската заедница во Швајцарија и пошироко.
Членови на актуелното раководство на македонската црковна општина не сакаат да коментираат за случајот и намерата за преземање на црковната општина од ривалска група македонски верници.
Од таму за expres.mk на кратко велат дека ,,Господ е голем” и дека се сигурни дека поглаварот на МПЦ-ОА Г.г. Стефан нема да дозволи никаква манипулација, самоволие или насилство со верски структури на Македонската православна црква – Охридска архиепископија од страна на поединци и групи.
Црквата на МПЦ-ОА за која се најавуваат тензии е Пресвета Богородица се наоѓа во местото Тичино во градот Локарно, Швајцарија.
Оваа македонска црква е една од најбогатите во Европската Епархија и на својата сметка има стотици илјади евра собрани од македонските верници.