Македонија

Водич за корисници: Galaxy A57 5G и Galaxy A37 5G – Најновите иновации достапни за сите

Самсунг (“Samsung”) ги претстави уредите Galaxy A57 5G и Galaxy A37 5G, со што дополнително го проширува пристапот до своите најнови мобилни иновации.

7 минути за читање

Самсунг (“Samsung”) ги претстави уредите Galaxy A57 5G и Galaxy A37 5G, со што дополнително го проширува пристапот до своите најнови мобилни иновации. Новата Galaxy A серија ја одразува посветеноста на “Samsung” за демократизација на вештачката интелигенција, нудејќи напредни искуства по подостапна цена.

“Samsung Newsroom“ ги истражи можностите на уредите во поглед на вештачката интелигенција, камерата, дизајнот и перформансите.

 

Awesome Intelligence: вештачка интелигенција за секојдневни задачи

Во срцето на Galaxy A57 5G и Galaxy A37 5G е Awesome Intelligence[1], збир на функции базирани на вештачка интелигенција, дизајнирани да ги поедностават секојдневните задачи.

Еден од најзначајните новини е функцијата Voice Transcription (транскрипција на глас), достапна за прв пат кај серијата Galaxy A. Со помош на апликацијата Voice Recorder, корисниците можат да снимаат аудио, да го претворат говорот во текст и да го преведат на повеќе јазици[2], што го олеснува прегледот на состаноци, предавања или организирањето на снимените повици.

Функцијата Circle to Search со Google[3], омилена помеѓу фановите на Galaxy, продолжува да се развива и сега овозможува идентификување на повеќе објекти одеднаш. На пример, кога корисниците ќе видат модна комбинација која им се допаѓа, информациите за секое парче облека, од блузи до обувки, може да се најдат со едно пребарување, едноставно со заокружување на облеката на екранот.

Функцијата AI Select[4] предлага релевантни дејства врз основа на содржината на екранот, како што се креирање GIF датотеки, зачувување слики или поставување позадини. Оваа функција сега е достапна со долго притискање на страничниот панел (Edge Panel).

Подобрената функција Object Eraser[5] ги отстранува несаканите елементи со поголема прецизност на рабовите за појасни и поприродни фотографии со помалку корекции.

 


Камера: Појасни снимки и дење и ноќе

Фотографијата останува во центарот на Galaxy A серијата, со подобрувања на камерата кои овозможуваат остри и живописни резултати и во светли и во услови на слаба осветленост.

Функцијата Nightography[6] е подобрена за да создава посветли и поостри слики при слаба осветленост, со поприродни бои. Подобрувањата се забележливи кај градските пејзажи и уличните сцени, каде што шумот и дисторзијата се често повидливи.

 


 

Дизајн: Тенок, лесен и софистициран

Новата серија Galaxy A се одликува со софистициран дизајн кој ги балансира елеганцијата и секојдневната употреба.

Galaxy A57 5G пристигнува со потенко и полесно куќиште со дебелина од 6,9 mm и тежина од 179 g, што е за 0,5 mm потенко и 19 g полесно во споредба со претходната генерација, правејќи го полесен за држење и носење.

Распоредот на трите камери создава кохезивен изглед усогласен со дизајнерскиот јазик на Galaxy, со што дополнително се нагласува целосниот впечаток за прецизност.

Подобрувањата на екранот дополнително го унапредуваат искуството. Galaxy A57 5G има рамка од 1,5 mm на горната и страничните страни, намалени за 0,7 mm на врвот и 0,5 mm на страните, за уште покомплетно визуелно искуство, без зголемување на големината на уредот.

Двата модели се достапни во светли и темни варијанти на бои. Galaxy A57 5G е достапен во нијанса на Феноменална темносина, Феноменална сива, Феноменална светловиолетова или Феноменална леденосина[7], додека Galaxy A37 5G доаѓа во Феноменална темносива, Феноменална сивозелена, Феноменална бела и Феноменална лаванда.[8] Премиум металната рамка на Galaxy A57 5G го надополнува дизајнот, балансирајќи ја издржливоста и естетиката.

 

 

Перформанси: Побрзи, поглатки и долготрајни

Перформансите остануваат клучен дел од целокупното искуство. Со надградени CPU (процесор) и GPU (графичка единица), Galaxy A57 5G овозможува побрза и поглатка работа при стриминг, уредување на содржини и секојдневна употреба.[9] За 13% поголемата Vapor chamber[10] комора за ладење помага уредот да остане ладен, дури и при подолго играње игри или снимање видео содржини.

Батеријата со капацитет од 5.000 mAh[11] поддржува до два дена користење[12] со едно полнење. Технологијата Super Fast Charging 2.0 овозможува полнење на Galaxy A57 5G до 60% за околу 30 минути, намалувајќи го времето поминато во чекање.

Galaxy A57 5G и Galaxy A37 5G применуваат пристап фокусиран на корисникот, ставајќи го акцентот на суштинските иновации во вештачката интелигенција, камерата, дизајнот и перформансите на практичен и достапен начин.

Од Awesome Intelligence функциите до напредните способности на камерата, новата серија Galaxy A ги носи најновите иновации до повеќе корисници. “Samsung” продолжува да ја проширува достапноста до своите мобилни иновации, овозможувајќи им на повеќе луѓе ширум светот да уживаат во нив.

 

 

За “Samsung Electronics Co., Ltd.“

 

“Samsung“ го инспирира светот и ја обликува иднината со трансформативни идеи и технологии. Компанијата го редефинира светот на телевизорите, паметните телефони, уредите за носење, таблетите, дигиталните уреди, мрежните системи и меморија, LSI системите и LED решенијата.

“Samsung“ исто така ги унапредува технологиите за медицинско снимање, HVAC решенијата и роботиката, додека создава иновативни автомобилски и аудио производи преку “Harman“. Со својот екосистем SmartThings, отворената соработка со партнерите и интеграцијата на вештачката интелигенција низ целото свое портфолио, “Samsung“ нуди беспрекорно и интелигентно поврзано искуство. За најновите вести, ве молиме посетете ја страницата “Samsung“ Новости: https://www.samsung.com/mk/news/.

 

[1] Може да биде потребна најава на Samsung Account за да се користат одредени Samsung Intelligence функции.
*Samsung не дава ветувања, уверувања или гаранции за точноста, комплетноста или веродостојноста на резултатите добиени со Intelligence функциите. Достапноста на Awesome Intelligence функциите може да се разликува во зависност од регионот/земјата, верзијата на OS/One UI, моделот на уредот и операторот. Услугата Awesome Intelligence може да е ограничена за малолетни лица во одредени региони со ограничувања на возраста во однос на употребата на AI.

[2] Преводот на повеќе јазици е можен, но во даден момент може да се преведува само на еден јазик.

[3] Circle to Search е трговска марка на Google LLC. Резултатите се само за илустративни цели. Достапно на одредени уреди и е потребна интернет конекција. Работи на компатибилни апликации и површини. Резултатот може да варира во зависност од визуелните совпаѓања. Проверете ги резултатите за точност.

[4] Потребна е интернет врска и најава на Samsung сметка. Достапноста на услугата може да варира во зависност од земјата, јазикот или моделот на уредот. Достапноста на поддржаните јазици може да варира. За одредени јазици може да биде потребно преземање јазичен пакет. При првото стартување на апликацијата, може да биде потребно преземање и инсталација на одредени функции за Galaxy AI.

[5] Резултатите може да варираат во зависност од условите на фотографирање/снимање, вклучувајќи присуство на повеќе субјекти, субјекти кои се надвор од фокус или субјекти во движење.

[6] Резултатите може да варираат во зависност од условите на снимање, вклучувајќи присуство на повеќе субјекти, субјекти кои се надвор од фокус или субјекти во движење.

[7] Достапноста на бои и модели може да се разликува во зависност од земјата, регионот или операторот.

[8] Достапноста на бои и модели може да се разликува во зависност од земјата, регионот или операторот.

[9] Прикажаното подобрување на перформанси е во споредба со Galaxy A56 5G. Реалните перформанси може да варираат во зависност од корисничката средина, условите, инсталираниот софтвер и апликациите.

[10] Во споредба со претходниот модел. Реалните перформанси може да варираат во зависност од корисничката средина, условите, инсталираниот софтвер и апликациите.

[11] Типична вредност тестирана во лабораториски услови на трети страни. Типична вредност е проценетата просечна вредност, земајќи го предвид отстапувањето во капацитетот на батеријата кај примероците од батерија тестирани според стандардот IEC 61960. Номиналниот (минимален) капацитет е 4.905 mAh. Реалното времетраење на батеријата може да се разликува во зависност од мрежната средина, начинот на употреба и други фактори.

[12] Вистинскиот век на траење на батеријата се разликува во зависност од мрежната средина, користените функции и апликации, зачестеноста на повици и пораки, бројот на полнења и многу други фактори. Проценето според просечен кориснички профил, составен од UX Connect Research. Независно проценето од UX Connect Research во САД во периодот 08.01.2026–18.01.2026 со претпродажни верзии на SM-A576 со стандардни поставки, користејќи LTE и 5G Sub6 мрежи. НЕ се тестирани во 5G mmWave мрежа.

Поврзани теми:

избор|Samsung Electronics|Samsung A57|Samsung A37

Повеќе на оваа тема:

Најнови вести од: Македонија

(Видео): Македонија со своја „фабрика“ за производство на алатки за вештачка интелигенција

Македонските стартапи, мали и средни претпријатија, студентите и истражувачите наскоро ќе можат да развиваат сопствени решенија со вештачка интелигенција без да инвестираат во скапа инфраструктура. Тоа треба да го овозможи „Везилка“ – првата национална фабрика за вештачка интелигенција, која ќе ги поврзе домашните компании и академската заедница со европските суперкомпјутери и дигитални ресурси.

Тошковски: Интерпелацијата од Левица е обид за блокирање на борбата против криминалот!

Министерот за внатрешни работи Панче Тошковски ја оцени интерпелацијата поднесена од Левица како политички мотивиран обид за попречување на процесите за борба против криминалот и корупцијата. Интерпелацијата е на дневен ред на денешната собраниска седница, пренесе МИА. Во објава на социјалните мрежи, Тошковски посочи дека станува збор за трета интерпелација против него за помалку од две години и оцени дека зад иницијативата стојат политички, а не суштински мотиви. -Левица ја најави третата интерпелација против мене за помалку од две години. Како и претходните две, и оваа беше претставена преку режирана прес-конференција, повеќе како политички настап отколку како иницијатива заснована на аргументи – наведе Тошковски.

Сајкоски: На кого му пречи што има ред во државата? Кога се разбиени 30 организирани криминални групи треба ли да се напаѓа човекот, кој ги прави нервозни криминалците?!

Ѓорѓија Сајкоски, член на ИК на ВМРО-ДПМНЕ и пратеник на денешната седница во Собранието ги праша пратениците од опозицијата на кого му пречи што има ред во државата, што нема проблеми со патните исправи, што се разбиени 30 организирани криминални групи, запленети се 300 проценти повеќе кокаин од она што било претходно во време на СДС.

Зорица пееше, а Заев играше како што му свиреа грчки политичари додека го распродаваше името Македонија и го обезименуваше македонскиот народ!

Што се случувало на журка во Фурка на Халкидики во 2019 година? Познатиот грчки новинар Ставрос Цимас пишува дека во летото 2019 година, тогашниот македонски премиер Зоран Заев се сретнал на вечера со претставници на новата грчка власт предводена од Кирјакос Мицотакис, која претходно силно се противеше на Преспанскиот договор и добил уверувања од грчки еврокосар дека Мицотакис нема да го оспорува договорот. Во книгата „Скриени аспекти на македонското прашање“ Цимас открива низа малку познати детали поврзани со Зоран Заев.

Бугарски националисти поставија во Баница спомен-плоча на идеологот на македонската револуција Гоце Делчев со ознака „Бугарски револуционер“!

Бугарски активисти и националисти деновиве поставиле спомен-плоча посветена на македонскиот револуционер Гоце Делчев во селото Баница, денешно Кариес, во близина на Сер, Грција, а на обележјето го претставиле како „бугарски револуционер“. Грчките власти не биле известени, ниту дале дозвола за поставување на спомен-плочата. Бугарските медиуми пишуваат дека поради тоа има реакции во Грција.

Генијалниот 11-годишник Македон Димитровски, еден од најперспективните млади таленти од регионот, се вброи меѓу најпаметните деца во светот

Македон Димитровски (11) од Македонија постигна исклучителен резултат на американскиот SAT тест – 1440 поени, при што 740 поени освоил по математика и 700 поени по англиски јазик. Станува збор за тест кој е стандардна приемна проверка за запишување на универзитети во САД и се користи за оценување на академската подготвеност на средношколци. Според објавата на неговото семејство, овој резултат го става меѓу највисоко рангираните ученици на негова возраст на глобално ниво, со остварувања, кои вообичаено го постигнуваат кандидати на 17–18 години.

„Зборникот на Миладиновци“ – „евангелие“ на македонизмот и јазичен чувар на идентитетот на македонскиот народ веќе 165 години

Еден од најзначајните чувари и своевидни пишани споменици на македонскиот национален, јазичен и културен е делото „Зборник на браќата Миладиновци“, кое е објавено на денешен ден, на 24 јуни 1861 година. Тој ден првите примероци од зборникот ја напуштиле печатницата на во Загреб и им биле испорачани на претплатниците. Во овој Зборник на 538 страници на голем формат се објавени вкупно 660 песни, од кои 584 македонски и 76 бугарски. Покрај 584-те македонски песник, зборникот има и 14 детски игри, неколку народни обичаи од разни места во Македонија, 8 верувања, 16 преданија, извесен број лични имиња, 50 пословици и 104 гатанки. Македонските песни се поделени во групи: самовилски, други стари, црковни, јуначки, жаловни, смешни, љубовни, свадбени, лазарски, жетварски, песни за Водици, за Ѓурѓовден… Сите тие песни потекнуваат од разни краишта на Македонија (Струга, Охрид, Битола, Прилеп, Велес, Дебар, Кукуш, Костур и др.). Овој монументален зборник со своето богатство од песни и традиции е еден од основните и најважни темели на македонското народно творештво. Тој претставува капитално и епохално дело за македонскиот народ. М. Цепенков го чувал дома и го нарекувал „второ вангелие“. Кажано со речникот на Цепенков, „Зборникот на Миладиновци“ е и своевидно „евангелие на македонизмот и на македонскиот идентитет! Оттука и браќата Миладиновци се дел од основните столбови, врз кои се потпираат културното наследство и македонскиот јазик.
Сите вести од Македонија

Најнови вести

To top