„111 Албанци беа нововработени во клучните државни институции за неколку дена, како резултат на нашите политики за фер и соодветна застапеност, кои немаа вистинска имплементација повеќе од 20 години! – сопшти мкоалицијата ВРЕДИ.
Оттаму велат дека ова не е случајна статистика.
„Тоа е почеток на историска пресвртница, која носи опиплива еднаквост и става крај на институционалната дискриминација што остави илјадници квалификувани Албанци надвор од системот.
Ова се конкретните резултати во последните неколку дена:
35 вработени во Македонска пошта.
17 во Министерството за земјоделство.
27 во Фондот за здравство.
9 во Агенцијата за финансиска поддршка во земјоделството и руралниот развој.
23 во Институтот за трансфузиона медицина.
Ова е застапеноста што ја гарантира ВРЕДИ. Покажуваме дека кога постои волја, се случуваат промени.
Ова се резултатите за два дена. Продолжуваме со посветеност, транспарентност и меритократија, да ја направиме јавната администрација вистински одраз на општествениот состав“, велат од ВРЕДИ како што пренесе Телеграфи/