Македонија

Кој е тој „државотворен народ“ којшто е 33 отсто во Македонија, според Спиропали?

Ако албанската министерка мислеше на Албанците, тие се 29,52 отсто во вкупното население и 24,30 отсто во резидентното

2 минути за читање

Албанската министерка за Европа и за надворешни работи, Елиса Спиропали, при денешната посета на Македонија идентификува „државотворен народ“, кој е 33 отсто според последниот попис, иако таков процент нема во официјалните резултати од последното пребројување на населението во 2021 година.

„Албанија го поддржува интегрирањето на Македонија во Европската унија, затоа што делиме заедничка иднина и затоа што овде живее еден државотворен народ, којшто е 33 проценти според последниот попис“, изјави Спиропали на заедничката прес-конференција со својот домаќин, македонскиот министер за надворешни работи и надворешна трговија Тимчо Муцунски.

Според последниот попис, вкупното попишано население изнесува 2.097.319 лица, а вкупното резидентно население е 1.836.713 лица.

Во вкупно попишаното население, 54,21 проценти се изјасниле како Македонци, 29,52 отсто како Албанци, 3,98 отсто како Турци, 2,34 отсто како Роми, 1,18 отсто како Срби, 0,87 отсто како Бошњаци, 0,44 отсто како Власи итн.

Во вкупното резидентно население, пак, 58,44 отсто се изјасниле како Македонци, 24,30 отсто како Албанци, 3,86 отсто како Турци, 2,53 отсто како Роми, 0,47 отсто како Власи, 1,30 отсто како Срби, 0,87 отсто како Бошњаци итн.

Ако под „еден државотворен народ“ Спиропали мислеше на Албанците, како такви не се изјасниле 33 проценти ни во вкупното попишано население во Македонија пред четири години, ни во резидентното.

 

Поврзани теми:

Албанци|попис|Елиса Спиропали|државотворен народ

Повеќе на оваа тема:

Најнови вести од: Македонија

Најава дека „тетовчани в петок ќе се кренат против одлуката на Уставниот суд за промената на имињата на улиците во Тетово“!

„Плоштадот Илирија нема да стане Маршал Тито. Тетовчани ќе се кренат во петок! Плоштадот Илирија нема да стане ‘Маршал Тито’, колку и да сонува некој за такво нешто.“ – објави на својот фејсбук-профил Рами Мислими, новинар, политички аналитичар и сопственик на албанскиот информативен портал на албански јазик „Тетова сот“ од Тетово. Неговата објава под наслов „Имињата на улици во Тетово: тетовчани ќе се кренат в петок против Билал Касами“ ја пренесоа овој портал и други медиуми на албански јазик во Македонија.

Екстрадиран Саит Саитов кој во јануари избега во Србија откако прегази жена во Капиштец

Деветнаесетгодишниот Саит Саитов од Скопје, кој беше баран со меѓународна потерница распишана од МВР на 12 јануари, денеска е екстрадиран од Србија во нашата земја, информира Министерството за внатрешни работи. МВР објави дека на Саитов му е определена мерка притвор и дека е предаден во затворот „Скопје“ за понатамошна постапка

(Видео): Македонија со своја „фабрика“ за производство на алатки за вештачка интелигенција

Македонските стартапи, мали и средни претпријатија, студентите и истражувачите наскоро ќе можат да развиваат сопствени решенија со вештачка интелигенција без да инвестираат во скапа инфраструктура. Тоа треба да го овозможи „Везилка“ – првата национална фабрика за вештачка интелигенција, која ќе ги поврзе домашните компании и академската заедница со европските суперкомпјутери и дигитални ресурси.

Тошковски: Интерпелацијата од Левица е обид за блокирање на борбата против криминалот!

Министерот за внатрешни работи Панче Тошковски ја оцени интерпелацијата поднесена од Левица како политички мотивиран обид за попречување на процесите за борба против криминалот и корупцијата. Интерпелацијата е на дневен ред на денешната собраниска седница, пренесе МИА. Во објава на социјалните мрежи, Тошковски посочи дека станува збор за трета интерпелација против него за помалку од две години и оцени дека зад иницијативата стојат политички, а не суштински мотиви. -Левица ја најави третата интерпелација против мене за помалку од две години. Како и претходните две, и оваа беше претставена преку режирана прес-конференција, повеќе како политички настап отколку како иницијатива заснована на аргументи – наведе Тошковски.

Сајкоски: На кого му пречи што има ред во државата? Кога се разбиени 30 организирани криминални групи треба ли да се напаѓа човекот, кој ги прави нервозни криминалците?!

Ѓорѓија Сајкоски, член на ИК на ВМРО-ДПМНЕ и пратеник на денешната седница во Собранието ги праша пратениците од опозицијата на кого му пречи што има ред во државата, што нема проблеми со патните исправи, што се разбиени 30 организирани криминални групи, запленети се 300 проценти повеќе кокаин од она што било претходно во време на СДС.
Сите вести од Македонија

Најнови вести

To top