Заменик-министерката за транспорт, Калтрина Зеколи, оствари средба со министерот за инфраструктура и транспорт на Република Косово, Димал Баша, на која фокусот беше ставен на стратешките инфраструктурни проекти што ги поврзуваат двете соседни земји..
Во преден план на разговорите биле автопатот Скопјe-Блаце и патот Тетово-Призрен, два важни проекти за подобрување на инфраструктурните врски, циркулацијата и економската соработка меѓу двете земји.
Зеколи објави дека на 26 август ќе биде поставен камен-темелникот на втората фаза од автопатот Скопјe-Блаце, опишувајќи го ова како важен чекор кон завршување на оваа стратешка врска со Косово.
„Нашата соработка со Косово продолжува да се преведува во конкретни проекти, создавајќи побрзи, побезбедни и посилни врски меѓу двете земји“, нагласи Калтрина Зеколи во својата објава објавена на социјалните мрежи.