Македонија

ЗНАМ: „Новиот почеток“ на СДСМ е само рециклирање на стари политики

Од ЗНАМ додаваат дека граѓаните не бараат нови слогани, туку конкретни резултати, одговорност и функционални институции.

Движењето ЗНАМ остро реагираше на неодамнешниот конгрес на СДСМ, оценувајќи дека најавениот „нов почеток“ и платформата „Твоја држава, твоја шанса“ не нудат суштински промени, туку претставуваат обид старите политики да се претстават како нова визија.

Од ЗНАМ велат дека шесте столба на новата програмска платформа се „политички флоскули без реална содржина“ и дека слоганот „Твоја држава, твоја шанса“ неизбежно ги потсетува граѓаните на периодот кога СДСМ беше на власт и на неисполнетите ветувања.

„Контрастот меѓу политичките слогани и реалноста е преголем за да се игнорира. Пораките како ‘Живот за сите’ и ‘Нема правда – нема мир’ останаа симбол на големи очекувања, но и на неиспорачани резултати“, се наведува во реакцијата.

Партијата упатува критики и кон актуелното раководство на СДСМ, особено кон поранешниот премиер Зоран Заев и лидерот Венко Филипче, оценувајќи дека партијата се оддалечува од својата некогашна државотворна улога.

„За Движењето ЗНАМ, Македонија останува трајна државна обврска. Нашите заложби се насочени кон заштита на институционалниот интегритет, јакнење на државниот капацитет и безусловно почитување на македонскиот државен и национален интерес“, се вели во соопштението.

Од ЗНАМ додаваат дека граѓаните не бараат нови слогани, туку конкретни резултати, одговорност и функционални институции.

Најнови вести од: Македонија

Светско признание за министерот Тошковски за „Безбеден град“ (ВИДЕО)

Наградата претставува меѓународно признание за проектот насочен кон подобрување на безбедноста во сообраќајот преку примена на современи технологии, автоматско регистрирање на сообраќајни прекршоци и дигитализација на постапките

Ахмети: Балканските криминалци соработуваат, но не и политичарите

„Трагедијата е во тоа што народите и политичарите кои ги претставуваат – и Македонците, и Албанците, и Србите – не успеваат да соработуваат за да изградат мирен Балкан и посигурна иднина за сите нас“, вели лидерот на ДУИ

To top