Македонија

Зошто 8 Албанци министри за правда досега не направиле правосудниот испит да се полага на албански јазик

Ниту еден министер за правда Албанец не дал оставка, знаеле ли дека правосуден испит на албански е контра Охридскиот договор

2 минути за читање

Дури 8 министри за правда дале повеќе партии од албанската етничка заедница во последниве 27 години во македонската влада.

Сега дел од нив и нивни сопартијци прашуваат зошто албанските студенти не можат да полагаат правосуден испит на својот мајчин јазик.

Но вистинското прашање е зошто осумте Албанци министри за правда досега не направиле правосудниот испит да се полага на албански јазик додека биле на мандат како министри.

Можеби затоа што знаеле дека тоа е спротивно на уставот и на Рамковниот договор кој сега е дел од македонскиот Устав.

Со исклучок на Џевдет Насуфи кој бил министер од 1999 до 2001 кога се уште не беше потпишан Охридскиот договор другите 7 министри Албанци можеле да го постават ова прашање и ако не поминело од етички причини да си дадат оставка.

Ниту еден од нив не заминал од функцијата во знак на протест за правосудниот испит.

Кои се седумте министри Албанци кои можеле да се изборат за правосуден испит на албански јазик во својот мандат:

Иџет Мемети 2001-2002
Исмаил Дарлишта 2004 г
Блерим Беџети 2011-2014
Аднан Јашари 2014-2016
Валдет Џафери 2016-2017
Билен Салиу 2017-2018
Кренар Лога 2023-2024

Досега никој од нив освен политички напади на лична основа не даде контрааргументи на претседателката Гордана Сиљановска-Давкова која за ТВ21 објасни зошто ова барање е спротивно на уставот и на Охридскиот договор.

Претседателката објасни зошто не треба да се полага правосудниот испит само на албански јазик

Сиљановска Давкова: Да не останеме „изгубени во преводот“ (ВИДЕО)

Поврзани теми:

топ|Албанци|правда|министри|правосуден испит

Повеќе на оваа тема:

Најнови вести од: Македонија

Ѓорге Иванов: Дијалогот е единствен пат кон мир и стабилност

Во периодот од 22 до 24 јуни во Скопје се одржа меѓународната конференција „Дијалог за единство и мир 2026“, организирана од Кабинетот на поранешниот претседател на Република Македонија, д-р Ѓорге Иванов, во соработка со Меѓународниот центар Алијанса на цивилизациите и Асоцијацијата на алумнисти на Школата за млади лидери.

Во ЕУ расте бројот на лица, што живеат сами! – Во Германија од 41 милион домаќинства дури 42 отсто биле едночлени лани!

Во Европската Унија минатата година 16,5 проценти од населението живеело во едночлени домаќинства, а најголем удел на лицата кои живеат сами е регистриран во скандинавските и во балтичките земји, покажуваат податоците на европската статистичка агенција Евростат. Над европскиот просек е и Германија, каде што секој петти жител, односно 20,9 проценти од вкупно околу 84 милиони жители, живеел сам, соопшти германскиот Сојузен завод за статистика „Дестатис“.

Сиљановска-Давкова: Струшките вечери на поезијата веќе 65 години ги поврзуваат светските меридијани, a Струга е најпоетскиот град на планетава

Струшките вечери на поезијата, поетски дом, кој веќе 65 лета поврзува меридијани, го соединува и обединува светскиот поетски сој со љубителите и почитувачите на убавата реч во старата, но витална Струшка бунтовна република на поетите, кои се борат за подобар и похуман живот. Шест и пол децении сме благословени да бидеме домаќини на мајсторите на јазикот и алхемичарите на мислата, преточувајќи ги во естетика и етика, истакна вечерва од Струга претседателката Гордана Сиљановска-Давкова прогласувајќи ги за отворени 65. Струшки вечери на поезијата.

Петрушевски: СДС одработува за интересите на Бугарија, мислејќи дека така ќе дојдат на власт! Се соочуваме со странско мешање во внатрешните работи на Македонија!

Бране Петрушевски, пратеник во Собранието од редовите на ВМРО-ДПМНЕ, вечерва гостуваше во емисијата „Само Вистина“ на Канал 5 телевизија, при што се осврна на односите на Република Македонија со источниот сосед Бугарија како и случувањата поврзани со јавно споделената дипломатска нота во која беа содржани информации за патувањето на членовите на најтесниот круг на семејството на премиерот Мицкоски, кое како што рече Петрушевски претставува невиден скандал во дипломатските односи и прекршување на истите.

Најава дека „тетовчани в петок ќе се кренат против одлуката на Уставниот суд за промената на имињата на улиците во Тетово“!

„Тетовчани ќе се кренат во петок! Плоштадот Илирија нема да стане ‘Маршал Тито’, колку и да сонува некој за такво нешто.“ – објави на својот фејсбук-профил Рами Мислими, новинар, политички аналитичар и сопственик на албанскиот информативен портал на албански јазик „Тетова сот“ од Тетово. Неговата објава под наслов „Имињата на улици во Тетово: тетовчани ќе се кренат в петок против Билал Касами“ ја пренесоа овој портал и други медиуми на албански јазик во Македонија.
Сите вести од Македонија

Најнови вести

To top