Доцна синоќа во познатата београдска населба „Белград на вода“ бил убиен 33-годишниот Црногорец Филип Ивановиќ од Цетиње. Тој бил застрелан со куршум во челото од 21-годишно момче, идентификувано како Ѓ.З. Српските медиуми известуваат дека осомничениот е уапсен веднаш по инцидентот.
Полицијата во цивил го пресретнала Ѓ.З. на само 200 метри од местото на злосторството, каде биле пронајдени два пиштола кај него, како и словенечки документи за кои се сомневаат дека се фалсификувани. Осомничениот е во притвор од 48 часа, а истрагата е во тек за повеќе детали.
Ивановиќ бил во бегство од Интерпол. По него била распишана меѓународна потерница откако на 4 декември 2023 година избегал од куќен притвор во Белград. Во Србија се водел судски процес против него за помагање на Лазар Тејиќ во убиството на Бојан Мирковиќ, додека Црна Гора го барала за членство во организирана криминална група и соучество во повеќе тешки убиства. Полицијата на Црна Гора потврдила дека екстрадицијата му била планирана по српскиот судски процес.
Ивановиќ бил претходно уапсен во Белград на 25 ноември 2020 година за сомневање во тешко убиство, но по бегството поминал повеќе од девет месеци во бегство. Итната медицинска помош за РТС потврдила дека смртта настапила од пукањето во 23:13 часот.