Регион

Бугарка осудена во Русија на три години во работен камп за објава на социјалните мрежи за статусот на Крим

Росица Георгиева, која има двојно државјанство, објавила пост дека Крим е украинска територија незаконски окупирана од Русија

1 минута за читање

Росица Георгиева, која има бугарско и руско државјанство, е осудена на три години затвор што ќе ги помине во руски работен камп поради објава на социјалните мрежи дека Крим е украинска територија незаконски окупирана од Русија.

Георгиева има 32 години и живее постојано во Русија кај мајка си, која е државјанка на Руската Федерација. За нејзиното апсење амбасадата на Бугарија во Москва ја известила сестра ѝ Н.И.Г., која живее во Бугарија. Бугарската амбасада веднаш испратила вербална нота до Министерството за надворешни работи на Русија со барање за изјаснување за случајот, а од таму добила кратка потврда дека жената била приведена во мај годинава.

Амбасадата стапила во контакт со мајката на Георгиева, која „ги потврди публикуваните искази на ќерка си на социјалните мрежи, вклучувајќи и повици и коментари, оценети како неприфатливи“, објасни шефот на бугарската дипломатија Георг Георгиев.

Георгиева не барала дејство од бугарските власти. Таа била осудена на 9 септември со три години во казнена колонија за „јавно оправдување на тероризам.

Поврзани теми:

КРИМ|Росица Георгиева|работен камп|објава|Русија|Георг Георгиев|бугарка|социјални мрежи

Повеќе на оваа тема:

Најнови вести од: Регион

Бугарите на протестите побараа оставка на Радев, нарекувајќи го „измамник“, „кукавица“ и „штетен за Бугарија“, а владата како „неспособна и криминална“!

Бугарската новинска агенција БТА објави: Антивладините демонстранти го блокираа сообраќајот на централните улици во Софија во саботата. На митингот се скандираше: „Оставка“ и „Ова не е Москва“! Граѓаните масовно бараа итна оставка од кабинетот на Радев само еден месец по неговото стапување на должност. На антивладините демонстрации во Софија вчера имаше транспоаренти со порака: „Чичо Румен, оди си со мир!“ „Целата влада на Радев е исткаена од грешки и како луѓе и како политичари. Грешки во надворешната политика, грешки во внатрешната политика, буџетот. Сè е ужасно. Ако Радев остане на власт, претпоставувам дека до зима во Бугарија ќе биде многу, многу лошо!“ – изјави еден демонстрант за Бугарското национално радио.

Илјадници на улиците во Софија, прв протест и „граѓански отпор“ против владата на „рускиот агент“ Радев, кои ја „одалечуваат Бугарија од европскиот пат“!

Во Софија синоќа се одржа првиот протест против владата на Румен Радев, при што илјадници граѓани излегоа на улиците изразувајќи незадоволство од политиките на актуелната власт, со посебен акцент на предложениот државен буџет и насоката во која, според нив, се движи државата. Организаторите упатија остри критики кон премиерот Радев, оценувајќи дека неговото владеење ја оддалечува Бугарија од европскиот пат. „Радев не е само бугарскиот Орбан. Тој е и бугарскиот Јанукович. Владеењето на ваквите руски агенти води кон војна ако не бидат соборени на време“, порачаа организаторите на протестот, пренесува бугарскиот медиум „Актуелно“.

Политико: Европската Унија планира постепена интеграција на идните членки преку економски бенефиции

Европската комисија работи на план што би им овозможил на земјите-кандидатки за членство во ЕУ пристап до одредени економски придобивки и пред формалниот влез во Унијата, изјавија неколку официјални претставници, објави денеска бриселскиот Политико.

И македонски државјанин дел од разбиен кокаински клан во Албанија

Во акцијата, издадени се налози за апсење на 10 лица, меѓу кои е и Сокол Бибај (43), еден од клучните членови на криминалната структура. Бибај се споменува и во аферата „Двојник“, кога македонските власти издавале македонски пасоши на познати криминалци од регионот и пошироко
Сите вести од Регион

Најнови вести

To top