Мотоциклисти од неколку клубови во Бугарија и независни мотоциклисти од Ќустендил вечерва го блокираа меѓународниот пат до граничниот премин Ѓуешево на бугарско-македонската граница.
Причината за ваквиот израз на незадоволството е зголемувањето на цената на осигурувањето од граѓанска одговорност, посебно зошто станува збор за сезонски превозни средства.
Ако порано цената на „граѓанската одговорност“ беше околу 130 лева, сега е 115 евра, што е зголемување од околу 80 проценти, иако институциите тврдат дека поскапувањето е само 10-15 проценти, објаснија демонстрантите на две тркала за бугарските медиуми.
На протестот, кој беше дел од незадоволството изразено на национално ниво и во други градови на Бугарија, немаше инциденти, а тој беше обезбедуван од полицијата.