Регион

Енергетската судбина на Србија: Русија излегува – влегува нов стратешки партнер во НИС

Српската министерка за рударство и енергетика, Дубравка Ѓедовиќ Хандановиќ, денес потврди дека руските сопственици се согласиле да го продадат својот мнозински удел од 56,15 % во Нафтената индустрија на Србија (НИС)

Српската министерка за рударство и енергетика, Дубравка Ѓедовиќ Хандановиќ, денес потврди дека руските сопственици се согласиле да го продадат својот мнозински удел од 56,15 % во Нафтената индустрија на Србија (НИС). Таа истакна дека Белград е целосно вклучен во тековните преговори и дека енергетската стабилност на земјата е апсолутен приоритет.

„Руските сопственици се согласиле да го продадат својот удел во Нафтената индустрија на Србија, кој изнесува 56,15 %. Тие преговараат за тоа. Ние сме вклучени и информирани за овие дискусии, коментираме речиси час по час, бидејќи сме втор најголем акционер со 29,8 % и бидејќи е од витален интерес за нас НИС да продолжи да работи и успешно да работи. Тоа е апсолутно клучно за енергетската стабилност на нашата земја“, изјави Ѓедовиќ Хандановиќ.

Министерката објасни зошто името на потенцијалниот нов сопственик сè уште не е објавено.

„Причината зошто сè уште не излеговме јавно со информации за тоа кој е третата страна е тоа што зборуваме за деловни преговори на сериозни компании. Додека тие преговори не се завршат или барем не се дефинираат најважните детали, не е сериозно да се изнесуваат имиња. Но, ништо не се крие од јавноста. Како што видовте, досега комунициравме многу транспарентно за сè. Нашето барање е јасно – рафинеријата мора да продолжи со работа и да обезбеди нов проток на сурова нафта од ЈАНАФ што е можно поскоро“, додаде таа.

Ѓедовиќ Хандановиќ откри дека НИС веќе поднел барање до американските власти за продолжување на лиценцата што овозможува снабдување со нафта и непрекинато работење на рафинеријата во Панчево.

„Сега чекаме одлука на американската влада дали она што го предложија, во кое ние секако сме вклучени, е прифатливо“, заклучи министерката.

Најнови вести од: Регион

Мосад им доставил информации на Грција и Македонија за иранската мрежа, што подготвувала обид за атентат во Грција

Израелската агенција за надворешно разузнавање Мосад им доставила информации на Грција и Македонија за мрежата поврзана со Иран, што наводно подготвувала обид за атентат во Грција, објави израелскиот портал Ynet, повикувајќи се на свои извори.

Главниот дел од истрагата за разоткривањето на иранската мрежа го воделе безбедносните служби на Македонија

30-годишен македонски државјанин, кој бил прогласен за непожелен од безбедносни причини во Грција бил уапсен на крајот на октомври со автомобил со македонски регистарски таблички се обидел да ја напушти Грција и да влезе во Турција преку копнениот граничен премин во областа Еврос

Ива Михајлова: „Јави ми се веднаш, зашто сите ќе умреме уште вечерва“(ВИДЕО)

Ова била една од пораките што јутјуберот Цанов ги добил од Михајлова само неколку минути откако тој го објавил првото видео, во кое Ива зборуваше за наводен притисок од безбедносните служби во Бугарија

To top