Регион

Корчула ја очекува долга ноќ по големиот пожар што ја зафати попладнево (ВИДЕО)

Два „канадера“ и еден „ер трактор“ се вклучени во зауздувањето на огнената стихија, а проблем е засилувањето на ветерот

1 минута за читање

Голем пожар избувна попладневo на подрачјето помеѓу Смоквица и Блато, на островот Корчула, а поради непристапниот терен, во гаснењето беа вклучени и канадери, помагајќи им на пожарникарите од воздух во локализирањето на пожарот.

„Сите противпожарни сили од островот Корчула се распоредени, а од копното активиравме пожарникари од Пељешац, од Оребиќ, Куна, Трпањ и Путниковиќи, како и единици од Метковиќ, Дубровник, Дубровнички брег, Жупа Дубровничка и Конавле“, изјави командантот на противпожарната бригада на Дубровничко-неретванската жупанија, Стјепан Симовиќ.

„Пред нас е долга ноќ“, изјави Симовиќ.

Граѓаните кои моментално се на Корчула известуваат дека голем број волонтери се на терен и предупредуваат дека ситуацијата воопшто не е безопасна.

Проблем е засилувањето на ветерот, што претставува ризик од понатамошно ширење на пожарот.

Хрватското Министерство за одбрана објави дека два противпожарни авиони „Канадер ЦЛ-415“ се испратени на местото на пожарот во близина на Блато на островот Корчула.

Авион „Ер Трактор“ АТ-802, кој претходно бил ангажиран во извидување на пожари, исто така бил пренасочен за гаснење на пожарот.

Поврзани теми:

избор|пожар|Хрватска|Ер-трактор|Корчула|„канадери“

Повеќе на оваа тема:

Најнови вести од: Регион

Во Драч уапсени двајца припадници на криминалната група „Беланоца“, барани со меѓународни потерница за убиства и други сторени кривични дела

Во заедничка акција на Македонската полиција, Американската ДСС и безбедносните органи на Албанија, во Драч уапсени се двајца припадници на организираната криминална група „Беланоца“.

Тајани: Силата на Европа зависи од влезот на Западниот Балкан во ЕУ, затоа Италија ја претставува неформалната група „Пријатели на Западен Балкан“

Политичката сила на нашиот континент во наредните децении ќе зависи од влезот на земјите од Западен Балкан во Европската Унија, порачува италијанскиот вицепремиер и министер за надворешни работи и меѓународна соработка на Италија Антонио Тајани, во својата најнова колумна. Според него, многу кратковидо и погубно е да се одложува пристапувањето на земјите од Западниот Балкан кон ЕУ Затоа Италија ја промовира неформалната група „Пријатели на Западен Балкан“, која ги обединува земјите-членки кои се најрешителни да го задржат европското внимание кон овој регион на високо ниво, истакнува Тајани.

Во Љубљана протест за излегување на Словенија од НАТО

Демонстрантите носеа транспаренти на кои пишуваше „Израелхел“ (Israhell), кованица од англиските зборови Израел и пекол, „НАТО = мочуриште“ и „Повеќе не сакаме да сме робови на НАТО“ и апели за воведување санкции за САД и за Израел
Сите вести од Регион

Најнови вести

To top