Регион

Наскоро нема излез од Грција за странците без платени сообраќајни казни?!

Без оглед дали му е пишан од полицаец или бил фатен од камера, налогот за наплата ќе го чека возачот на граница

1 минута за читање

Грција најави нов, автоматски систем, кој нема да им дозволи на странците да ја напуштат земјата ако имаат неплатени казни за сообраќајни прекршоци.

Грчкото Министерство за дигитална управа објави воведување на нов систем кој директно ќе ја поврзе сообраќајната полиција со царината. Штом ќе пристигне на границата, системот автоматски ќе ги прикажува сите неплатени сообраќајни казни во Грција, објави Инстаграм страницата nikana.gr.

Без разлика дали некој возач бил запрен и казнет од полицијата или фатен од новите сообраќајни камери без да биде свесен за тоа, ќе го чека сметка на граница. Мерката ќе се применува автоматски, со блокирање на излезот од државата додека не се намири долгот.

Целта на оваа новина е надминување на проблемот со слабата наплата на казните – годишно се пишуваат сообраќајни казни во вредност од 100 до 110 милиони евра, а се собираат само 40 милиони.

 

Поврзани теми:

Грција|странци|казна|граница|сообраќаен прекршок|„Никана.гр“

Повеќе на оваа тема:

Најнови вести од: Регион

Бугарите на протестите побараа оставка на Радев, нарекувајќи го „измамник“, „кукавица“ и „штетен за Бугарија“, а владата како „неспособна и криминална“!

Бугарската новинска агенција БТА објави: Антивладините демонстранти го блокираа сообраќајот на централните улици во Софија во саботата. На митингот се скандираше: „Оставка“ и „Ова не е Москва“! Граѓаните масовно бараа итна оставка од кабинетот на Радев само еден месец по неговото стапување на должност. На антивладините демонстрации во Софија вчера имаше транспоаренти со порака: „Чичо Румен, оди си со мир!“ „Целата влада на Радев е исткаена од грешки и како луѓе и како политичари. Грешки во надворешната политика, грешки во внатрешната политика, буџетот. Сè е ужасно. Ако Радев остане на власт, претпоставувам дека до зима во Бугарија ќе биде многу, многу лошо!“ – изјави еден демонстрант за Бугарското национално радио.

Илјадници на улиците во Софија, прв протест и „граѓански отпор“ против владата на „рускиот агент“ Радев, кои ја „одалечуваат Бугарија од европскиот пат“!

Во Софија синоќа се одржа првиот протест против владата на Румен Радев, при што илјадници граѓани излегоа на улиците изразувајќи незадоволство од политиките на актуелната власт, со посебен акцент на предложениот државен буџет и насоката во која, според нив, се движи државата. Организаторите упатија остри критики кон премиерот Радев, оценувајќи дека неговото владеење ја оддалечува Бугарија од европскиот пат. „Радев не е само бугарскиот Орбан. Тој е и бугарскиот Јанукович. Владеењето на ваквите руски агенти води кон војна ако не бидат соборени на време“, порачаа организаторите на протестот, пренесува бугарскиот медиум „Актуелно“.

Политико: Европската Унија планира постепена интеграција на идните членки преку економски бенефиции

Европската комисија работи на план што би им овозможил на земјите-кандидатки за членство во ЕУ пристап до одредени економски придобивки и пред формалниот влез во Унијата, изјавија неколку официјални претставници, објави денеска бриселскиот Политико.

И македонски државјанин дел од разбиен кокаински клан во Албанија

Во акцијата, издадени се налози за апсење на 10 лица, меѓу кои е и Сокол Бибај (43), еден од клучните членови на криминалната структура. Бибај се споменува и во аферата „Двојник“, кога македонските власти издавале македонски пасоши на познати криминалци од регионот и пошироко

И македонски полицајци ќе обезбедуваат мирна туристичка сезона во Албанија

Албанската државна полиција ќе ангажира 1.600 дополнителни полицајци, вклучувајќи и колеги од Македонија, од Црна Гора, од Косово и од Италија, за да се зголеми безбедноста за време на летната туристичка сезона, објави „Коха јоне“
Сите вести од Регион

Најнови вести

To top