Христијан Пендиков, реагира на пресудата на судот во Охрид кои ги ослободи обвинетите за неговото, наводно претепување бидејќи се изјаснивал како Бугарин.
Според него, невообичаено, истиот судија што претходно ги осуди на затворски казни, сега ги ослободи.
„Немаше нови докази, ниту нови сведочења – ништо ново не се случи. Судијата едноставно ги ослободи; сега го чекаме образложението за одлуката“, изјави за bTV поранешниот секретар на сега затворениот културен клуб „Цар Борис III“ во Охрид.
Тој ја припишува судската одлука на притисок од страна на властите.
„Тоа што се изјаснуваме како македонски Бугари таму претставува проблем. Во тоа е суштината – проблем, според мене, за нивниот конструиран идентитет. Бугарската национална свест е голем проблем во Република Македонија“, нагласи Пендиков.
Тој вели дека целта на македонските власти била да ги заплашува тие кои се изјаснуваат како Бугари и се пожали дека постојано добивале закани и навреди на социјалните мрежи.
„Тоа нема да се случи, бидејќи ние не се плашиме и јасно кажуваме дека сме Бугари. Нема да успеат да нè заплашат; ние ќе продолжиме да се бориме за нашите права сè додека можеме, а покрај тоа, постојат и европските институции“, изјави тој.
Во врска со случајот на Ива Михаилова, Пендиков предупреди дека таа има причина за загриженост доколку се врати во Македонија.
„Властите се однесуваат подеднакво лошо кон секој што се идентификува како Бугарин, без оглед на причината поради која се наоѓаат пред суд. Притисокот и репресијата таму се постојани“,вели тој.