Државјанка на Република Македонија на возраст од 24 години е повредена во сообраќајна несреќа во американската сојузна држава Аљаска, во која возилото во кое се превезувала удрило во лос што им излегол на патот.
Во незгодата, која се случила во 1 часот по полноќ во петокот на автопатот во близина на влезот во Националниот парк „Денали“, кадешто се наоѓа највисокиот врв во САД, загина возачот Бугарин на иста возраст, јави локалната телевизија КТУУ.
Повредената е префрлена во Меморијалната болница „Фербенкс“.