По паузата поради празниците, грчките земјоделци од денеска, повторно ги активираа блокадите на граничниот премин Евзони (Гевгелија – Богородица).
Преминот ќе биде целосно затворен за влез и излез на сите видови возила во периодот од 17:00 до 21:00 часот по македонско време.
Земјоделците организираа протестен марш низ градот Кукуш, изразувајќи незадоволство поради одбивањето на потпретседателот на грчкиот Парламент, Јоргос Георгадас, да се сретне со нив. Тие фрлија сено и памук пред неговата канцеларија како симболичен протест.
Блокадите се дел од продолжените протести на грчките фармери против владините мерки и економската политика.
Возачите што патуваат кон или од Грција се советуваат да користат алтернативни рути или да го одложат патувањето во наведениот временски период.