Ратко Младиќ, осуден за воени злосторства, почина на 84-годишна возраст во притворската единица на Меѓународниот резидуален механизам за кривични трибунали во Шевенинген, Хаг. Веста за неговата смрт ја потврди неговото семејство, пренесуваат „Еуроњуз Србија“ и медиуми блиски до српските власти.
Здравствената состојба на Младиќ во изминатиот период значително се влошила, откако претрпел неколку мозочни удари. Неговото семејство и лекарите повеќепати предупредувале дека неговата состојба е тешка и барале да биде пуштен на слобода за да продолжи со лекување.
Таквите барања, сепак, биле одбиени од надлежните во Хаг.
Ратко Младиќ беше уапсен во Србија во 2011 година, а во 2021 година Апелацискиот совет му ја потврди конечната казна доживотен затвор за геноцидот врз околу 8.000 Бошњаци во Сребреница, опсадата и теророт врз Сараево, прогонот на Бошњаците и Хрватите и земањето припадници на ОН за заложници за време на војната во БиХ.
Датумот и местото на погребот дополнително ќе бидат објавени.