Регион

Трагедија во Бугарија: Петгодишно дете усмртено од електричен тротинет

Детето си играло на улица во Сливен, кога случајно било удрено од десетгодишно момче на тротинет што минувало покрај него

Петгодишно дете го загуби животот по удар од електричен тротинет во бугарскиот град Сливен.

Според првичните извештаи, момчето се играло на улица во својата населба, кога покрај него поминало десетгодишно момче, кое случајно го удрило со тротинетот

Помалото дете добило тешки повреди при падот од ударот и починало.

На местото на инцидентот имало силно полициско присуство. Случајот го истражува полицијата, а обвинителството отвори предсудска постапка.

Инцидентите со електрични тротинети со смртни последици бележат раст во Европа – лани во Германија се регистрирани 38 случаи (11 повеќе од претходната година), во Италија 16, во Белгија 15, во Велика Британија 10 (плус четири во однос на 2024 година), во Австрија 6 итн.

Годинава и Македонија стана дел од оваа статистика со загинувањето на 13-годишно момче во кумановското село Черкезе, кое било удрено од патничко возило додека управувало електричен тротинет и подоцна подлегнало на повредите во кумановската болница.

Најнови вести од: Регион

Негираат дека имало притисок врз „бегалката“

Ива Михајлова обвини новинар дека работи по наредба на бугарската Државна агенција за национална безбедност и дека по нивни инструкции добивала прашања и ѝ било кажувано што да зборува во јавност. Шефицата на бугарската дипломатија тврди дека немала такви информации

Најава за големи демонстрации во Албанија за 28 и 29 ноември 2026! Вчера палени контејнери, Рама маван со јајца, кршена вратата на Парламентот!

Студентското движење и незадоволните граѓани продолжуваат со редовни протести пред Министерството за образование и пред Владата во Тирана, барајќи оставка од премиерот Еди Рама и промени во власта. Вчера за време на протестот во Тирана, дојде до инциденти со палење контејнери, по што полицијата уапси три лица, поведе постапки против уште 18 и изрече 44 парични казни. Организаторите го најавуваат следниот голем бран на демонстрации за празничниот викенд на 28 и 29 ноември, кога се очекува пристигнување на албанската дијаспора во Тирана за масовен марш.

To top