Утрово во периодот од 05 до 09 часот царинските службеници на грчките гранични премини ќе одржат предупредувачкиот штрајк, поради што се очекува застој на граничните премини.
Според најавите, и трите гранични премини со Македонија (Евзони/Богородица, Ники/Меџитлија и Дојрани/Дојран) се затворени, а возила се пропуштаат на секои десет минути.
За камионите и големиот транспосрт воопшто нема пропуштање и за влез и за излез.
Причина за штрајкот се додатоците на плата на царинските служби и лошите услови за работа. Тие бараат исплата на прекувремени часови, празнично, сменска работа и работа во викенди . Ова е на некој начин предупредувачки штрајк и се однесува на сите копнени гранични премини на Грција.
Министерството за внатрешни работи, соопшти дека ќе се преземат сите мерки и оти ќе бидат ставени во функција сите човечки и технички капацитети, односно ке се работи по стандардни процедури и нема да има никаков застој на македонска страна, односно се ке зависи од протокот на грчка страна.