Владата на Рама и албанскиот амбасадор во Скопје молчат за барањето за извинување од министерот за економија во македонската влада кој реагира на изјавата на министерот за надворешни работи на Албанија кој наводно ги прогласил македонските Албанци за идиоти.
Вчера министерот за економија и труд, кој доаѓа од редовите на ВЛЕН, Бесар Дуршими рече дека уставната обврска на Албанија е да се грижи за своите сонародници.
Дурмиши жестоко реагираше на наводната изјава на шефот на албанската дипломатија Ферид Хоџа, во која тој во групна комуникација на апликацијата „Вацап“ ги навредува Албанците од Македонија нарекувајќи ги „идиоти“.
На социјалните мрежи, Дурмиши напиша оти официјална Тирана итно треба да ја објасни скандалозната и разочарувачка реторика употребена кон Албанците кои живеат во Маедонија. За Дурмиши, потегот на Хоџа е крајно неприфатлив и спротивен на секаков етнички и професионален кодекс за еден државен претставник.
„Албанија има уставна обврска да се грижи за своите сонародници кои живеат надвор од границите на земјата. Албанците од Македонија не се соседи на омилениот официјален проект на Тирана „Отворен Балкан“, туку интегрален дел од националниот корпус“, напиша Дурмиши.