Регион

Во Приштина бесни за транспарентот „Косово е Србија“ во Познањ, ќе се жалат до УЕФА

Фудбалската федерација на Косово бара санкции и за Лех, но и за Црвена звезда, која му се заблагодари на домаќинот

2 минути за читање

Фудбалската федерација на Косово (ФФК) најави жалба до УЕФА за транспарентот со пораката „Косово е Србија“ испишан на српски јазик врз боите на знамето на Србија, што навивачите на полски Лех го истакнаа на својата трибина во текот на целиот натпревар со Црвена звезда синоќа во Познањ.

„Фудбалската федерација на Косово ги оценува овие дејствија како сериозна политичка провокација, срамна и неприфатлива на спортски настан, како и грубо кршење на правилата и принципите на УЕФА, кои забрануваат какви било политички или дискриминаторски пораки на стадионите. Ова се однесувања што не му служат на фудбалот и претставуваат поттикнување на омраза и повреда на спортскиот интегритет“, се вели во соопштението на ФФК.

„ФФК, веднаш по забележувањето на таквото прекршување, покрена постапка за поднесување официјална жалба до УЕФА, барајќи дисциплински мерки против клубот Лех, одговорен за однесувањето на своите навивачи, како и против Црвена звезда за јавни изјави со кои поттикнува и легитимира пораки против државата Косово. ФФК, како членка на УЕФА, ги брани и промовира вредностите според кои фудбалот мора да остане надвор од политичките провокации и да служи како мост на поврзување, а не на поделба, и решително бара и другите членови на Федерацијата да ги заштитат овие принципи“, се додава во соопштението.

„Благодариме Лех Познањ“, порачаа од Звезда преку социјалните мрежи по првиот дуел од третото квалификациско коло за Лигата на шампионите, кој гостите го добија со 3:1.

Поврзани теми:

Лига на шампионите|ФФ на Косово|Лех Познањ|Црвена звезда|УЕФА|фудбал

Повеќе на оваа тема:

Најнови вести од: Регион

Бугарите на протестите побараа оставка на Радев, нарекувајќи го „измамник“, „кукавица“ и „штетен за Бугарија“, а владата како „неспособна и криминална“!

Бугарската новинска агенција БТА објави: Антивладините демонстранти го блокираа сообраќајот на централните улици во Софија во саботата. На митингот се скандираше: „Оставка“ и „Ова не е Москва“! Граѓаните масовно бараа итна оставка од кабинетот на Радев само еден месец по неговото стапување на должност. На антивладините демонстрации во Софија вчера имаше транспоаренти со порака: „Чичо Румен, оди си со мир!“ „Целата влада на Радев е исткаена од грешки и како луѓе и како политичари. Грешки во надворешната политика, грешки во внатрешната политика, буџетот. Сè е ужасно. Ако Радев остане на власт, претпоставувам дека до зима во Бугарија ќе биде многу, многу лошо!“ – изјави еден демонстрант за Бугарското национално радио.

Илјадници на улиците во Софија, прв протест и „граѓански отпор“ против владата на „рускиот агент“ Радев, кои ја „одалечуваат Бугарија од европскиот пат“!

Во Софија синоќа се одржа првиот протест против владата на Румен Радев, при што илјадници граѓани излегоа на улиците изразувајќи незадоволство од политиките на актуелната власт, со посебен акцент на предложениот државен буџет и насоката во која, според нив, се движи државата. Организаторите упатија остри критики кон премиерот Радев, оценувајќи дека неговото владеење ја оддалечува Бугарија од европскиот пат. „Радев не е само бугарскиот Орбан. Тој е и бугарскиот Јанукович. Владеењето на ваквите руски агенти води кон војна ако не бидат соборени на време“, порачаа организаторите на протестот, пренесува бугарскиот медиум „Актуелно“.

Политико: Европската Унија планира постепена интеграција на идните членки преку економски бенефиции

Европската комисија работи на план што би им овозможил на земјите-кандидатки за членство во ЕУ пристап до одредени економски придобивки и пред формалниот влез во Унијата, изјавија неколку официјални претставници, објави денеска бриселскиот Политико.

И македонски државјанин дел од разбиен кокаински клан во Албанија

Во акцијата, издадени се налози за апсење на 10 лица, меѓу кои е и Сокол Бибај (43), еден од клучните членови на криминалната структура. Бибај се споменува и во аферата „Двојник“, кога македонските власти издавале македонски пасоши на познати криминалци од регионот и пошироко
Сите вести од Регион

Најнови вести

To top