Регион

За обид за убиство, уапсен 19-годишник од Македонија во Црна Гора

А.Т. е осомничен дека се обидел да го елиминира 56-годишниот Марко Љубиша-Кан, кој се смета за член на „Шкаљарски клан“ на балканскиот нарко картел, на 7 август 2025 година, во хотелскиот комплекс „Маестрал“ во Будва.

 

Црногорската полиција го уапси државјанинот на Република Македонија, А.Т.во Никшиќ, кој се бараше за обидот за убиство на Марко Љубиша, познат како „Кан“, објавија црногорските медиуми, повикувајќи се на повеќе извори од Управата за полиција на Црна Гора.

Според информациите, тој бил уапсен во таен стан во Никшиќ, а со него е уапсен и 34-годишниот Н.М. од Никшиќ, кој е осомничен дека му помогнал на осомничениот да се скрие од органите за спроведување на законот по извршувањето на кривичното дело.

Како што објави полицијата, 19-годишниот А.Т. е осомничен дека се обидел да го елиминира 56-годишниот Марко Љубиша-Кан, кој се смета за член на „Шкаљарски клан“ на балканскиот нарко картел, на 7 август 2025 година, во хотелскиот комплекс „Маестрал“ во Будва.

„По А.Т. е издадена меѓународна потерница за кривично дело обид за убиство, кој испукал два куршума кон жртвата со огнено оружје, при што на М.Л. му нанел телесни повреди во главата.

Осомничениот се товари и за кривичните дела нелегално поседување оружје и фалсификување исправа. Според сомневањата, А.Т., при планирањето на нападот, користел лажна лична карта, со иницијали Ј.Г. од Република Србија, со која бил регистриран во хотелски објект во близина на нападот“, се вели во соопштението на црногорската полиција./Телеграф/

Најнови вести од: Регион

Негираат дека имало притисок врз „бегалката“

Ива Михајлова обвини новинар дека работи по наредба на бугарската Државна агенција за национална безбедност и дека по нивни инструкции добивала прашања и ѝ било кажувано што да зборува во јавност. Шефицата на бугарската дипломатија тврди дека немала такви информации

Најава за големи демонстрации во Албанија за 28 и 29 ноември 2026! Вчера палени контејнери, Рама маван со јајца, кршена вратата на Парламентот!

Студентското движење и незадоволните граѓани продолжуваат со редовни протести пред Министерството за образование и пред Владата во Тирана, барајќи оставка од премиерот Еди Рама и промени во власта. Вчера за време на протестот во Тирана, дојде до инциденти со палење контејнери, по што полицијата уапси три лица, поведе постапки против уште 18 и изрече 44 парични казни. Организаторите го најавуваат следниот голем бран на демонстрации за празничниот викенд на 28 и 29 ноември, кога се очекува пристигнување на албанската дијаспора во Тирана за масовен марш.

To top