Хроника

Екстрадиран македонски државјанин од Косово баран преку Интерпол

Лицето било барано од македонското правосудство за неовластено поседување, дистрибуција и продажба на наркотични супстанции

1 минута за читање

Косовската полиција денеска ѝ екстрадира на Македонија лице со македонско државјанство барано преку Интерпол.

„Косовската полиција, со своите единици од Дирекцијата за меѓународна полициска соработка, во координација и соработка со други релевантни единици на косовската полиција и правосудните институции, на 07.05.2026 година изврши екстрадиција на македонски државјанин од Косово во Северна Македонија.

Осомничениот беше уапсен од косовската полиција откако беше баран преку ИНТЕРПОЛ со меѓународна потерница издадена од правосудните институции на Северна Македонија, за кривично дело ‘Неовластено поседување, дистрибуција и продажба на наркотични супстанции’.

Екстрадицијата беше спроведена врз основа на важечките закони и тесна соработка меѓу институциите на Република Косово и оние на Северна Македонија“, соопшти Полицијата на Косово, не давајќи детали за идентитетот на екстрадираното лице.

Поврзани теми:

Македонија|КОсово|македонски државјанин|Екстрадиција

Повеќе на оваа тема:

Најнови вести од: Хроника

Поднесено обвинение за „Еуростандард“ банка од Скопје – намерно е втурната во стечај со долг од 27 милиони евра!

Со одобрување кредити на кредитно неспособни и поврзани правни лица, без соодветни анализи и обезбедување, со прикривање на реалната финансиска состојба и ризиците, како и со неточно известување до Народната банка, пријавените придонеле банката да биде доведена во стечај, а доверителите да бидат оштетени со околу 27 милиони евра во денарска противредност. Основното јавно обвинителство за гонење на организиран криминал и корупција до Основниот кривичен суд Скопје поднесе обвинителен акт против три лица кои се товарат дека сториле по едно кривично дело „Предизвикување стечај на банка“, како и обвинителен предлог против едно лице за кривично дело „Несовесно работење во службата“.

Пораките од телефонот на обвинетиот газда Деко од „Пулс“ се отворија јавно во судница

Со изведување материјални докази од Обвинителството денеска во судницата во „Идризово“ продолжи судењето за пожарот во кочанската дискотека „Пулс“, во кој загинаа 63 лица, а над 200 беа повредени

За брзо возење 11 илјади казни и плаќање од 15 до 300 евра – Со примената на „Безбеден град“ бројот на загинати во сообраќајни несреќи е намален за 40 проценти

Повеќе од 58.000 сообраќајни прекршоци регистрирал системот „Безбеден град“ на подрачјето на СВР Скопје за неполни пет месеци, додека на ниво на целата држава, за време на првите четири месеци од неговата примена се издадени преку 11.000 казни за брзо возење. Бројките покажуваат дека системот станува еден од главните механизми за санкционирање на несовесните возачи, а од МВР велат дека сите камери на „Безбеден град“ се во функција, односно снимаат сообраќајни прекршоци.

Хаос со пловилата во Охрид, деветмина ги управувале пијани! Полицијата констатира 52 прекршоци кај 63 пловни објекти!

Во акциска контрола на пловните објекти во водите на Охридското Езеро, вчера констатирани 52 прекршоци, девет лица што управувале пловен објект биле под дејство на алкохол.
Сите вести од Хроника

Најнови вести

To top