Спорт

Димитриевски со најмногу одбрани во Лигата на нациите

На четирите одиграни натпревари голманот на македонската фудбалска репрезентација запиша вкупно 21 успешна интервенција

Фудбалската репрезентација на Македонија ги загуби сите четири досега одиграни натпревари во своето деби во Б-дивизијата на Лигата на нациите, но го има голманот со најмногу успешни интервенции во сите четири дивизии од ова натпреварување на УЕФА.

Столе Димитриевски прими вкупно 10 гола од Швајцарија, Словенија и Шкотска, но со 21 одбрана е убедливо најуспешен меѓу чуварите на мрежата во ЛН.

Веднаш зад него се Сене Ламенс од Белгија и Џанлуиџи Донарума од Италија со по 19, Антони Морис од Луксембург со 18, а во топ-10 се и Вања Милинковиќ-Савиќ од Србија и Јан Облак од Словенија со по 17, Даниел Наумов од Бугарија и Рихардс Матревичс од Летонија со по 16, како и Гиорги Мамардашвили од Грузија и Каоимхин Келехер од Република Ирска со по 15.

Според бројот на одбранети удари упатени од шеснаесетникот, македонскиот голман е втор со 13, зад Облак со 14, а пред Морис со 12, Матревичс со 11, Донарума со 10 итн.

Најнови вести од: Спорт

Во продажба билетите за Суперкупот со четири шпански гиганти: Фудбалскиот спектакл на Шпанија пристигнува во Истанбул

Суперкупот на Шпанија 2027 во Истанбул се организира во соработка со Министерството за култура и туризам и Министерството за млади и спорт на Турција, Генералната управа за забава на Кралството Саудиска Арабија, Кралската шпанска фудбалска федерација, Турската фудбалска федерација, компанијата за организација на настани Sela Events и турската агенција за комуникации и маркетинг Hezarfen Ajans.

Најнови вести

To top