Лина Ѓорческа се пласира во четвртфиналето на тенискиот турнир во Куршумлиска Бања, Србија, кој се игра на земјени терени и за награден фонд од 60.000 американски долари.
Како и минатата седмица во полуфиналето во Куршумлиска Бања, Ѓорческа (355. на ВТА-листата во сингл) ја елиминира 23-годишната Русинка Дарја Астахова (798.), која овојпат го предаде мечот по 1:33 часа игра при водство на најдобрата македонска тенисерка од 7-6 (6), 2-0.
Противничка на 31-годишната тетовка во дуелот за полуфиналето утре од 10 часот ќе ѝ биде петтата носителка Аурора Ѕантедески (313.) од Италија.