Од денес до 26 септември во италијанскиот град Парма ќе се одржува Европското првенство за тенисери и тенисерки до 16 години. Македонија ќе ја претставуваат по двајца натпреварувачи во секоја конкуренција, а истите играчи ќе настапат и во конкуренција на двојки.
Кај девојките македонскиот тим го претставуваат Сара Митевска и Лина Николовска, а кај момчињата Марко Алексовски и Алексеј Стојановски.
Стојановски во меч од второто коло ќе игра против Томи Лукса од Чешка, додека Алексовски ќе се сретне со победникот од првото коло меѓу Јакуб Јашин (Белорусија) и Николас Шилц Солви (Луксембург). Митевска во второто коло ќе игра против Тинкара Сеп од Словенија, а Николовска за ривалка ја има Андреа Папакирјаку од Кипар.
Во конкуренција на двојки, парот Алексовски – Стојановски во првото коло ќе игра против Колин Ландри и Сем Ван де Лангенберг од Швајцарија, додека Митевска – Николовска ќе се сретнат со Ајше Бол и Танем Јилмаз од Турција.