Спорт

Прв гол на Серафимов за Левски во Купот на Бугарија (ВИДЕО)

Дефанзивецот на македонската репрезентација го отвори резултатот во триумфот од 3:0 кај Хебар во Пазарџик

Никола Серафимов на најдобар начин одговори на укажувањето од селекторот на фудбалската репрезентација на Македонија, Благоја Милевски, дека за натамошни повици ќе мора да игра повеќе за Левски, за кој денеска го постигна својот прв гол во победата од 3:0 кај Хебар во Купот на Бугарија.

Центархалфот со 23 настапи и еден гол за Македонија (во победата од 1:0 во Лигата на нациите лани во Скопје) го отвори резултатот само по две минути игра во Пазарџик, погодувајќи со глава по нафрлената топка од корнер во триумфот што го одведе лидерот во бугарското првенство во осминафиналето на Купот.

„Многу сум среќен што го постигнав мојот прв гол за Левски. Денеска имав можност да играм повеќе време. Успеавме, тренерот ми помогна да се вклопам во тимот. Се надевам дека ќе му помогнам на тимот со мојата дефанзивна игра“, изјави тој. „Се надевам дека ова нема да биде мојот последен гол за Левски, туку ќе има уште многу. Сите се среќни што има силна конкуренција, ова помага. Мораме напорно да работиме секој ден, да ја чекаме нашата шанса и да го покажеме најдоброто од себе“.

Првенецот на Серафимов за Левски на линкот.

 

Најнови вести од: Спорт

Во продажба билетите за Суперкупот со четири шпански гиганти: Фудбалскиот спектакл на Шпанија пристигнува во Истанбул

Суперкупот на Шпанија 2027 во Истанбул се организира во соработка со Министерството за култура и туризам и Министерството за млади и спорт на Турција, Генералната управа за забава на Кралството Саудиска Арабија, Кралската шпанска фудбалска федерација, Турската фудбалска федерација, компанијата за организација на настани Sela Events и турската агенција за комуникации и маркетинг Hezarfen Ajans.

Најнови вести

To top