Свет

Администрацијата на Трамп го продолжува ангажманот на Националната гарда во Вашингтон

Белата куќа: Забележано е значително намалување на криминалот

Администрацијата на американскиот претседател Доналд Трамп одлучи да го продолжи ангажманот на припадниците на Националната гарда во Вашингтон до истекот на неговиот претседателски мандат, потврди Пентагон.

Според соопштението, мисијата ќе трае до 20 јануари 2029 година, освен ако претходно не биде прекината со одлука на претседателот.

Припадниците на Националната гарда беа распоредени во главниот град на САД врз основа на извршна наредба што Трамп ја потпиша во август 2025 година, со образложение дека мерката е потребна за сузбивање на криминалот во Вашингтон.

Белата куќа соопшти дека од почетокот на операцијата е забележано намалување на криминалот и дека заедничката оперативна група извршила околу 12.000 апсења, меѓу кои и на припадници на криминални групи, како и заплена на големо количество нелегално огнено оружје.

Од друга страна, претставници на округот Колумбија ги оспоруваат тврдењата дека распоредувањето на Националната гарда е главната причина за намалувањето на криминалот. Тие наведуваат дека бројот на кривичните дела опаѓал и пред почетокот на мисијата, а претседателот на Советот на округот Колумбија, Фил Менделсон, оцени дека присуството на вооружени војници на улиците на американската престолнина не е соодветно и претставува дополнителен товар за даночните обврзници.

Во текот на ангажманот, припадниците на Националната гарда патролираат по улиците, метро-станиците, парковите и туристичките локации, им даваат поддршка на локалните безбедносни служби и учествуваат во интервенции при вонредни состојби. Тие, сепак, немаат овластување самостојно да приведуваат осомничени лица.

За разлика од сојузните држави, претседателот на САД има директна контрола врз Националната гарда во Вашингтон, што му овозможува да ја распоредува без согласност од локалните власти.

Најнови вести од: Свет

330 месеци затвор за планиран атентат врз Трамп

За време на судењето, осудениот тврдеше дека „немал друг избор“ освен да ги изврши наредбите, бидејќи лицето кое му давало упатства јасно ставило до знаење дека знае кои се членовите на неговото семејство во Иран и каде се наоѓаат

НАТО и Пентагон разговараат за можното повлекување на американските војници од Европа

Би можело да дојде до намалување на бројот од 80.000 американски војници кои моментално се стационирани на европскиот континент, а целта е да се поттикне Европа да преземе поголем ангажман, овозможувајќи ѝ на американската војска да се фокусира на своите глобални обврски.

Јапонските средношколци што учат македонски јазик во Токио добија вежбанки и книги

Учениците од здружението добиле работни тетратки за вежбање на македонскиот јазик, материјали од „Бушава азбука“, Македонски бајки, како и традиционални омијаге (сувенири) во вид на македонски чоколади и слатки, соопшти Јапонската амбасада

To top