На 11 септември 2001 година, авионите што удрија во Светскиот трговски центар не само што уништија симбол на американската економска моќ, туку и ја срушија илузијата дека воената надмоќ и географската изолација можат да ја гарантираат безбедноста на Соединетите Држави.
Дваесет и пет години подоцна, кулите ги нема, Осама бин Ладен е мртов, американската војска се повлече од Авганистан, а светот е драстично поинаков од она што беше тој септемвриски ден. Сепак, тој ден засекогаш го промени начинот на кој луѓето патуваат, го потврдуваат својот идентитет, собираат разузнавачки информации, ги обезбедуваат границите, водат војна и ја дефинираат границата меѓу безбедноста и слободата.
Утрото на 11 септември 2001 година започна навидум вообичаено. Четири патнички авиони полетаа од североисточниот дел на САД кон Калифорнија. Ниту еден од патниците не знаеше дека авионите веќе биле претворени во оружје.
Официјалниот број на загинати изнесува 2.977 лица, не сметајќи ги 19-те киднапери. Жртвите биле државјани на 90 земји. Меѓу загинатите имало 343 пожарникари, како и полицајци и припадници на други служби за итни интервенции.
Илјадници други луѓе беа повредени во нападите. Многумина подоцна развија сериозни болести поврзани со токсичната прашина и загадувањето околу „Граунд Зиро“ (местото на нападот).
По тој ден започна „Војна против тероризмот“…