Само еден од шест Германци велат дека би биле подготвени да носат оружје без двоумење во случај на воен конфликт, според ново истражување, објавува германската новинска агенција ДПА.
Шеснаесет проценти од испитаниците во анкетата, спроведена за медиумската група RND од страна на фирмата за истражување на јавното мислење Форса, рекле дека „дефинитивно“ би се бореле, а 22 проценти рекле дека „веројатно“ би го сториле тоа.
Јасно мнозинство, 59 проценти, рекле дека „веројатно нема“ или сигурно нема да ја бранат Германија со оружје доколку земјата биде нападната. Кај жените, овој процент се зголемува на 72 проценти.
Повеќето веруваат дека ќе мора да ги бранат сојузниците
Во исто време, повеќе од една четвртина од испитаниците (27 проценти) рекле дека сметаат дека воен напад врз Германија во следните пет години е многу или умерено веројатен.