Свет

Белата куќа со фотомонтажа на Трамп со пингвин, Гренланѓанец со видеомонтажа како тој бега од мечка

Објавата на Икс предизвика лавина реакции, меѓу кои и духовити во врска со претседателот на САД и неговата амбиција за Гренланд

1 минута за читање

Белата куќа објави фотомонтажа на која се гледа како американскиот претседател Доналд Трамп шета низ снегот со пингвин, при што пингвинот носи американско знаме, а во далечината може да се види гренландското знаме на планинска падина.

Сликата, објавена на официјалниот профил на Белата куќа на Икс, прикажува снежен, леден пејсаж со планини во заднината и со широка бела рамнина во преден план.

Фотомонтажата има „мал“ недостаток: пингвините се природно распространети исклучиво на јужната хемисфера, првенствено на Антарктикот и во јужниот дел на Латинска Америка, Африка, Австралија и Нов Зеланд, а видот не се наоѓа на северната хемисфера, вклучувајќи го и Гренланд.

Објавата на Икс предизвика лавина реакции од корисници на социјалната мрежа, меѓу кои и таа на Орла Јоелсен, кој се претставува како „Ја сакам мојата земја Гренланд и горд сум што му го покажувам тоа на светот“ и кој возвраќа со видеомонтажа од Тик-ток во која Трамп бега од бела мечка.

Поврзани теми:

топ|фотомонтажа|Доналд Трамп|Белата куќа|Гренланд|пингвин|бела мечка|видеомонтажа

Повеќе на оваа тема:

Најнови вести од: Свет

Првата македонска аналогна астронаутка Мартина Димоска од Кичево: цели да отвори опсерваторија и лабораторија за вселенски науки, во Западна Македонија!

Живеење во изолирани бази, ограничена комуникација, строго дефинирани мисиски правила и постојано тестирање на човечките и технолошките граници – ова не е научно-фантастичен филм, туку секојдневието на аналогните астронаути, професионалци кои ги симулираат вселенските мисии на Земјата. Една од нив е и Мартина Димоска, Македонка од Кичево, првата жена аналогна астронаутка од Балканот. Аналогните астронаути го отвораат патот на човештвото до Месечината, Марс и другите планетарни тела.

Орбан: Украина е непријател на Унгарија, бараше да не добиваме руски енергетски резерви

„Додека Украина го прави ова, нашиот непријател ги крши нашите основни интереси“, рече Орбан и истакна дека, доколку не беа руската нафта и гас, Унгарија ќе мораше да плаќа неколку пати повисоки цени од сегашните“

Македонското знаме се развеа на ЗОИ 26 во Италија: оптимизам во МОК и меѓу нашите олимпијци за добри резултати од настапите (Видео)

Четворица спортисти ја претставуваат Република Македонија на Зимските олимписки игри 2026 во Италија. Јана Атанасовска е најмладата македонска натпреварувачка и рекордерка во алпско скијање. Ставре Јада е најискусен член на македонскиот олимписки тим, кому ова му е трето учество на Зимски олимписки игри, по настапите на Олимпијадата во 2018 година во Пјонг Чанг, во Јужна Кореја, и на Олимпијадата во 2022 година во Пекинг, во Кина. По настапот на претходната Олимпијада во Пекинг Ана Цветановска повторно ќе ја претставува Македонија во истите нордиски дисциплини. Четвртиот наш натпреварувач е Виктор Петков, кој последен влезе во државниот олимписки тим. Честа да го носат македонското државно знаме на вчерашната официјалната церемонија на отворањето на ЗОИ 2026 ја имаа Атанасовска и Јада.

80-годишен Италијанец под сомнение за учество во „снајперски туризам“ во Сараево

Покренувањето на истрагата во ноември 2025 година предизвика реакции кај преживеаните од опсадата и нивните семејства, кои изразија надеж дека ќе се утврдат одговорностите и ќе се изведат пред правдата лицата вклучени во овие наводни злосторства, дури и по три децении.
Сите вести од Свет

Најнови вести

To top