Главниот обвинител на Меѓународниот кривичен суд (МКС) Карим Кан синоќа беше суспендиран поради сомнение за сексуално недолично однесување, јавуваат медиуми
Конечната одлука за неговото евентуално сменување од функцијата ќе биде донесена на посебна седница на земјите-членки на судот, соопшти надзорното тело на МКС во Хаг. Средбата ќе се одржи во најкраток можен рок.
Извршниот одбор на надзорното тело на МКС рече дека таквата проценка е направена врз основа на „извештај од истрагата спроведен од Канцеларијата за внатрешни надзорни служби на Обединетите нации (OIOS), докази, совети од ад хок панел од судски експерти и писмени поднесоци.
Во 2024 година, блиска соработничка го обвини британски обвинител за сексуално недолично однесување. Кан наводно повеќепати ја малтретирал во текот на подолг временски период и ја принудувал на сексуални дејствија, пишува dpa.
Комисијата на Обединетите нации ги истражи наводите и го поднесе својот извештај во декември 2025 година, но извештајот не е јавно достапен. Тројца судии на тој меѓународен суд поднесоа правно мислење врз основа на истрагата, но ниту тоа не беше објавено.
Кан (56) рече дека сака да се врати на должноста штом ќе се расчистат наводите, кои тој ги негира.
Кан, како главен обвинител, издал налози за апсење на израелскиот премиер Бенјамин Нетанјаху и рускиот претседател Владимир Путин, меѓу другите, од 2021 година.
Соединетите Држави го зголемија притисокот врз судот, особено поради налогот за апсење против Нетанјаху, и воведоа санкции за персоналот и судиите.
Основачкиот договор на судот го потпишаа вкупно 125 земји, вклучително и сите земји-членки на ЕУ. САД, Русија и Израел не се членови на судот.