Најмалку 14 мигранти загинаа откако глисер што ги превезувал се судрил со брод на Грчката крајбрежна стража покрај брегот на островот Хиос доцна во вторникот, јав Би-Би-Си.
Грчките власти соопштија дека глисерот правел опасни маневри и дека во моментот на судирот била во тек потера во теснецот Хиос, во близина на селото Вронтадес.
Дваесет и четири лица се спасени, од кои некои се сериозно повредени, а други наводно сè уште се водат како исчезнати.
Крајбрежната стража сè уште не ги разјаснила точните околности околу судирот.
Операцијата за пребарување и спасување била во тек во вторник вечерта, во која учествувале четири брода на крајбрежната стража, приватен брод што превезувал цивилни нуркачи и хеликоптер.
Грчката државна телевизија ЕРТ соопшти дека меѓу повредените има седум деца, една бремена жена и двајца офицери на крајбрежната стража.
Првично беа пријавени четири смртни случаи, но ажурирањето објавено во 23:00 часот по локално време вели дека се пронајдени уште десет тела, со што бројот на потврдени жртви се искачи на 14.