Данската воено-разузнавачка служба денеска за прв пат ги опиша Соединетите Американски Држави како „можна безбедносна опасност“. Данското воено разузнавање укажува дека „се променил погледот како на близок сојузник, поради растечките геополитички тензии околу Гренланд“, додавајќи и дека „целокупното опкружување на Данска се влошило сериозно“.
Посебно е истакнато дека САД покажуваат сè поголем интерес за Гренланд, територија во состав на Данска, поради засилената конкуренција на големите сили на Арктикот.