Свет

Деца и жени меѓу 11-те загинати во израелските воздушни напади во Либан (ВИДЕО)

И последниот мост што го поврзува јужен Либан со остатокот од земјата е уништен

2 минути за читање

Единаесет лица, меѓу кои две деца и две жени, загинаа во израелските воздушни напади во јужен и источен Либан, потврдија либанското Министерство за здравство и државните медиуми. Агенцијата Anadolu пишува дека во нападите е забележана и голема материјална штета.

Според Министерството за здравство, во нападот на градот Ансарије во областа Сидон, загинале пет лица, меѓу кои две деца, а уште пет лица се ранети. Во воздушен напад врз градот Џбаа во областа Набатиех загинаа четири лица, меѓу кои две жени, соопшти Министерството.

Во градот Тир, исто така, според извештајот на министерството, загинал Палестинец во напад на мотор. Либанската Национална новинска агенција објави дека еден Либанец бил убиен во одделен напад рано утринава, откако неговата куќа била погодена во градот Хебарије во областа Хасбаја.

Истата агенција наведува дека во текот на ноќта израелски воени авиони извршиле напади и врз областа Џабал ал Рафии на висорамнината Иклим ал-Туфах и целеле куќа во населбата Салам во Набатие.

Последниот мост што го поврзува јужен Либан со остатокот од земјата е уништен во израелски напад, потврди висок либански безбедносен претставник за новинската агенција Ројтерс. Според него, мостот е „скршен“, а претрпената штета е непоправлива, пишува Ројтерс.

Поврзани теми:

војна|избор|Израел|убиени|Либан

Повеќе на оваа тема:

Најнови вести од: Свет

Трамп го спаси Бејрут од израелски напад по жестока кавга со Нетанјаху

Според Аксиос, разговорот на Трамп со Нетанјаху бил скандалозен, полн со пцовки. Според изворите, Трамп рекол нешто како: „Ти си целосно луд. Без мене, ќе беше во затвор. Те спасувам. Сите те мразат сега. Сите го мразат Израел за ова.“

Топлотниот бран во Велика Британија усмрти 17 луѓе

Во изминатите осум дена во Велика Британија измерени се високи температури на воздухот, поради што граѓаните се разладуваа во морето. Смртни случаи регистрирани се во Јужен и Западен Јоркшир, Корнвол, Хемпшир, Ворикшир, Чешир, Пембрукшир, Линколншир и Ланкашир

Норвешкиот МНР тврди дека Осло го преиспитува односот со ЕУ и можноста за членство

Министерот за надворешни работи на Норвешка, Еспен Барт Ајде, денеска изјави дека земјата повторно го преиспитува својот однос со Европската Унија поради променетите глобални околности и растечкото влијание на политиките на САД и Кина, додека сè повеќе расте притисокот, по двата неуспешни референдуми, да се покрене нова дебата за можното членство во блокот
Сите вести од Свет

Најнови вести

To top