Зимска бура што зафати голем дел од САД одзеде најмалку 30 животи, објавува АП.
Меѓу загинатите се две лица погодени од снегочистачи во Масачусетс и Охајо, тинејџери смртно повредени додека се санкале во Арканзас и Тексас и жена чие тело беше пронајдено затрупано во снег во Канзас.
Според властите во Њујорк, осум тела беа пронајдени на улиците на градот само во текот на викендот.
Бурата предизвика прекини во снабдувањето со електрична енергија. Повеќе од 630.000 домакинсктва беа без електрична енергија до понеделник вечерта, според Poweroutage.com.
Јужните држави го понесоа најголемиот дел од штетата. Замрзнатиот дожд ги оштети далноводите во северен Мисисипи и делови од Тенеси.
Воздушниот сообраќај е нарушен: Повеќе од 12.000 летови беа одложени или откажани низ целата земја во понеделник, според Flightaware.com.
Ден претходно, 45% од сите домашни летови беа откажани, што е најголем број откако започна пандемијата COVID-19.
Националната метеоролошка служба предупреди за нови бури и студ.