Свет

Ефикасноста на „Патриотите“ против руските ракети падна од 42 отсто на 6 отсто, алармира украински генерал

„Кинжалите“ и „Искандерите“ веќе се модернизирани и успешно ја избегнуваат украинската ПВО, вели генералот Романенко

1 минута за читање

Уште едно признание дека руската армија ги модернизираше своите системи за лансирање балистички ракети, со што значително ги зголеми своите борбени способности, денеска дојде од украинската страна.

„Направени се модификации на ракетите „Искандер-М“ и „Кинжал“, со што се зголеми нивната брзина, што ги прави потешка цел. Така, Русите успеваат да ги избегнат противвоздушните системи „Патриот“ што ѝ ги обезбедија на Украина сојузниците“, изјави поранешниот заменик-началник на Генералштабот на Украинските вооружени сили, генерал-потполковник Игор Романенко, за телевизискиот канал „Еспресо“.

Според генералот, Русите направиле промени во софтверските поставки на балистичките ракети, така што во последната фаза од летот тие прават маневри што го отежнуваат нивното уништување. Така, ефикасноста на нивното пресретнување од страна на украинските „Патриоти“ паднала од 42 проценти на 6 отсто, објасни тој.

Сепак, Романенко рече дека Украина веќе анализирала што се случува и ги собрала сите потребни информации и статистика, доставувајќи ги овие податоци до западните производители.

„Овие компании треба да ги земат предвид овие информации и евентуално да го модифицираат својот софтвер за да ја подобрат ефикасноста на пресретнувањето“, рече тој.

Поврзани теми:

Русија|„Патриот“|„Искандер“|„Кинжал“|Игор Романенко|ТВ Еспресо|Украина

Повеќе на оваа тема:

Најнови вести од: Свет

(Видео): Руски дрон го погоди Северниот мост во Киев додека по него се движеа автомобили

Украинските власти подготвуваат алтернативни начини за поврзување на двата брега на Киев во случај мостовите преку Днепар да бидат оштетени во руските напади. Планот вклучува понтонски премини и насипи, а на подолг рок се разгледува и можноста за изградба на тунел под реката. Целта е, во случај на оштетување или затворање на постоечките мостови, да се овозможи непречено поврзување на левиот и десниот брег на Киев.

Обединети Арапски Емирати: Сопилотот на „Флај Дубаи“ го нападнал пилотот со секира, се обидел со „терористички“ напад

Копилотот на летот FZ1073 на „Flydubai“ се обиде да изврши „терористички“ напад за време на летот, изјави во саботата главниот обвинител на Обединетите Арапски Емирати, објави државната новинска агенција WAM.

ЕУ воведува нов вид бензин – Е20, горивото треба да го намали европскиот увоз на нафта

Не е сосема јасно кои возила се прилагодени за E20. Се претпоставува дека повеќето современи бензински мотори би можеле да го користат без тешкотии, а за некои понови модели на BMW веќе има одобренија за поголеми пропорции на етанол.

Осуденичка на смрт преживеа обид за погубување откако ѝ беа дадени две смртоносни дози

Повеќе од 40 минути по втората доза, таа сè уште покажувала знаци на живот, по што била пренесена во болница, а нејзините адвокати тврдат дека нов обид за егзекуција би покренал прашања во врска со забраната за сурови и необични казни, содржана во Осмиот амандман од америкнскиот устав
Сите вести од Свет

Најнови вести

To top