Свет

Источното крило на НАТО бара Украина да влезе во Алијансата

Членките на НАТО од северна, балтичка и централна Европа се посветени на членството на Украина во воениот сојуз, изјавија лидерите на Полска, Романија и Литванија по самитот во Вилнус во понеделник, објави Ројтерс. Сојузниците на НАТО ја искажаа својата поддршка за „неповратниот пат“ на Украина кон членство на самитот во Вашингтон минатата година. Но, претседателот […]

Членките на НАТО од северна, балтичка и централна Европа се посветени на членството на Украина во воениот сојуз, изјавија лидерите на Полска, Романија и Литванија по самитот во Вилнус во понеделник, објави Ројтерс.

Сојузниците на НАТО ја искажаа својата поддршка за „неповратниот пат“ на Украина кон членство на самитот во Вашингтон минатата година.

Но, претседателот Доналд Трамп оттогаш изјави дека претходната поддршка на САД за кандидатурата на Украина за НАТО била причина за војната и дополнително посочи дека на Украина нема да ѝ биде доделено членство.

Рускиот претседател Владимир Путин постави услови за завршување на војната во Украина, вклучително и барање за писмен договор за запирање на проширувањето на НАТО кон исток и укинување на некои санкции против Русија.

Путин сака писмено ветување дека Украина нема да биде примена во НАТО.

Сепак, лидерите на Полска, Романија и Литванија ја изразија својата цврста поддршка за Украина во нејзиниот процес на интеграција во НАТО и повикаа на зголемен притисок врз Русија, вклучително и преку дополнителни санкции.

„Цврсто ја поддржуваме одлуката и посветеноста на сојузниците во врска со неповратниот пат на Украина кон целосна евроатлантска интеграција, вклучително и членството во НАТО. Украина има право сама да ги избере своите безбедносни мерки и да одлучи за својата иднина, без надворешно мешање“, се вели во заедничкото соопштение издадено во име на сите учесници на состанокот.

Украина доби покана за учество на претстојниот самит на НАТО во Хаг, изјави претседателот Володимир Зеленски денес пред новинарите.

„Бевме поканети на самитот на НАТО. Мислам дека тоа е важно“, рече тој. Поканата до Украина беше испратена за време на состанокот со генералниот секретар на НАТО, Марк Руте, во Вилнус.

Зеленски не кажа дали ќе патува сам во Холандија. Самитот на земјите-членки на воениот сојуз на НАТО треба да се одржи во Хаг за нешто помалку од три недели.

Најнови вести од: Свет

НАТО и Пентагон разговараат за можното повлекување на американските војници од Европа

Би можело да дојде до намалување на бројот од 80.000 американски војници кои моментално се стационирани на европскиот континент, а целта е да се поттикне Европа да преземе поголем ангажман, овозможувајќи ѝ на американската војска да се фокусира на своите глобални обврски.

Јапонските средношколци што учат македонски јазик во Токио добија вежбанки и книги

Учениците од здружението добиле работни тетратки за вежбање на македонскиот јазик, материјали од „Бушава азбука“, Македонски бајки, како и традиционални омијаге (сувенири) во вид на македонски чоколади и слатки, соопшти Јапонската амбасада

Кремљ ја укинува забраната за ликвидација на Зеленски и военото раководство?

Претставници на безбедносните служби побарале дозвола за физичка елиминација на највисокото воено и политичко раководство на Украина, пишува „Московски комсомолец“, руски весник близок до властите

To top