Чеченскиот лидер Рамзан Кадиров најави одмазда врз украински воени објекти за нападот врз главнот град Грозни.
„В текот на следната недела, воените објекти во Украина ќе бидат нападнати како одмазда за нападот со беспилотни летала врз облакодер во Грозни“, изјави денес чеченскиот лидер
„Почнувајќи од утре и во текот на следната недела, украинските неонацисти ќе го почувствуваат нашиот суров одговор. За разлика од нив, ние нема кукавички да пукаме кон цивилни цели.
За нападот на украински дрон врз една од зградите во комплексот Грозни-Сити Кадиров вели дека таквите акции не се ништо повеќе од обиди за заплашување на цивилното население и создавање илузија за притисок.
За нас, најважно е никој да не биде повреден. И брзо ќе ја обновиме зградата“, напиша тој.
Тој го опиша нападот како јасен знак за немоќта на непријателот, кој се обидува да ја компензира сопствената слабост со погодување цивилни цели.
„Ветувам дека нашиот одговор нема да задоцни. Непријателот наскоро ќе го добие мојот личен „подарок“ за него“, забележа чеченскиот лидер.
Во видеото, тој ги повика луѓето од Украина да се изјаснат против војната со Руската Федерација.
„Тие ве кинат еден по еден. Излезете и кажете го вашето мислење. Вашите деца се убиваат, уништуваат. Затоа, излезете и кажете го вашето мислење“, рече Кадиров во својата изјава.
„Бидете внимателни, или целосно ќе ја изгубите вашата нација. Ако има барем еден човек во Украина, тој мора да се спротивстави, а народот мора да го следи“, додаде Кадиров.