Американскиот претседател Доналд Трамп издаде наредба за укинување на заштитата од Тајната служба за поранешната потпретседателка и кандидатка за претседател од Демократската партија, Камала Харис, објавија американските медиуми.
По завршувањето на нејзиниот мандат, Харис имаше обезбедена заштита за период од шест месеци, која според директива потпишана од нејзиниот сопартиец, поранешниот претседател Џо Бајден, требаше да биде продолжена по неговото заминување од Белата куќа. Одлуката на Трамп ја поништува оваа директива.
Според документот што стапува во сила на 1 септември 2025 година, се укинуваат сите безбедносни мерки за поранешната потпретседателка кои не се задолжителни според закон.