Свет

Куба ќе се брани ако биде нападната од САД

Куба ќе го искористи своето право на самоодбрана во случај на напад од страна на Соединетите Американски Држави (САД), објави вчера кубанското Министерство за надворешни работи, пренесе германската новинска агенција ДПА. „Антикубанската кампања насочена кон оправдување, без никаква паричина, на воен напад врз Куба се интензивира секој час, со сè повеќе неубедливи обвинувања. САД се […]

2 минути за читање

Куба ќе го искористи своето право на самоодбрана во случај на напад од страна на Соединетите Американски Држави (САД), објави вчера кубанското Министерство за надворешни работи, пренесе германската новинска агенција ДПА.

„Антикубанската кампања насочена кон оправдување, без никаква паричина, на воен напад врз Куба се интензивира секој час, со сè повеќе неубедливи обвинувања. САД се агресорот. Куба е земја под напад, која дејствува согласно принципот на самоодбрана“, објави на социјалните мрежи заменик министерот за надворешни на Куба, Карлос Фернандез де Касио:

 

Кубанската амбасада во Вашингтон, како и Министерството за надворешни работи во Хавана, го потврдува правото на Куба на самоодбрана.

Од Амбасадата на Куба, исто така на Икс, велат дека преку изговори и лаги, „логичната подготовка“ за евентуален напад е претставена како нешто исклучително.

.@BrunoRguezP

Изјавите на кубанското Министерството за надворешни работи и Амбасадата, следуваат откако американскиот портал „Аксиос“ во саботата објави дека островската социјалистичка држава наводно се подготвува да употреби беспилотни летала против американски цели во случај на вонредна состојба.

Порталот, повикувајќи се на разузнавачки извори, објави дека Куба наводно набавила повеќе од 300 воени дронови и неодамна започнала дискусија за плановите за нивно користење за напад врз американската база „Гвантанамо“ во истоимениот залив на Куба, како и врз американски воени бродови и евентуално областа Ки Вес во американската сојузна држава Флорида која е оддалечена само околу 170 километри од Хавана.

Порталот „Аксиос“ цитираше висок американски функционер кој рекол дека разузнавачките информации би можеле да послужат како потенцијален „изговор за воена акција против САД“. Функционерот како фактор, исто така, го посочил и наводното присуство на ирански воени советници во Хавана.

Односите меѓу Куба и Соединети Американски Држави се затегнати уште од Кубанската револуција во 1959 година, а за време на мандатот на Доналд Трамп дополнително се влошија по воведувањето нови санкции и економски мерки против Хавана.

„Можам да правам што сакам со Куба“ – Трамп за ослабениот остров

Поврзани теми:

САД|избор|напад|одбрана|куба

Повеќе на оваа тема:

Најнови вести од: Свет

ЕУ почна со забраната за увоз на руски гас преку цевководи

Посебна тужба против регулативите поднесе и швајцарската компанија „Норд стрим 2 АГ“, операторот на гасоводот „Норд стрим 2“. Таа компанија бара одлуката или нејзините клучни одредби да бидат поништени, тврдејќи дека забраната ефикасно ја лишува од можноста да го користи гасоводот за комерцијални цели.

Цената на нафтата паднаа под 80 долари за барел в очи на договорот меѓу САД и Иран

Цените на нафтата на светските пазари паднаа денесак за повеќе од пет отсто, под 80 долари по барел. До оваа ситуација дојде по сигналот дека САД и Иран би можеле веќе оваа седмица да постигнат договор со кој би се овозможил непречен премин на танкерите низ Ормускиот теснец и обнова на извозор на енергенси од регионот на Персискиот залив, пренесе „Трејдинг економикс“.

Трамп: Лага е дека САД му плаќаат на Иран 300 милиони долари за мир

Претседателот на САД, ги отфрли тврдењата дека Вашингтон му обезбедува финансиска помош на Иран, нарекувајќи ги извештаите за финансирање од САД „лажни вести“ во услови на извештаи за пакет за реконструкција вреден повеќе милијарди долари, објавија Ен-Би-Си њуз и Фајненшнел тајмс.
Сите вести од Свет

Најнови вести

To top