Тешките израелски воздушни напади врз јужен и источен Либан продолжуваат орткако откако Израел предупреди дека ги засилува операциите и покрај формалниот прекин на огнот.
Министерството за здравство на Либан соопшти дека жртвите се резултат на нападите извршени вчера.
Либанските власти изјавија дека Израел извршил операции на други места во земјата, вклучувајќи три напади во близина на вештачкото езеро Караун југоисточно од главниот град Бејрут.
Управата на реката Литани предупреди на „катастрофални ризици за жителите, инфраструктурата и виталните објекти низводно“.
Караун е најголемото вештачко езеро во Либан, создадено од брана на реката Литани и игра клучна улога во снабдувањето со вода и електрична енергија во регионот.
Откако Нетанјаху најави зголемени напади и проширување на копнените операции, во Либан растат стравувањата дека израелските сили би можеле повторно да окупираат делови од земјата за подолг период, како што правеа во 1980-тите и 1990-тите.