Свет

Мир со Украина за Путин би било понижување

Тој вети голема победа, не само против Украина, туку и против „колективниот Запад“

Со испраќањето на најмалку 19 беспилотни летала во Полска минатата недела, рускиот претседател Владимир Путин испрати јасна порака: тој нема планови да ја заврши војната против Западот во скоро време, објавува Политико.

„Путин е воен претседател“, вели Николај Петров, виш аналитичар во Центарот за нови евроазиски стратегии со седиште во Лондон. „Тој нема интерес да ја заврши (војната)“.

Петров објаснува дека враќањето на улогата на мирнодобски претседател би било понижувачки за Путин. „Без оглед на условите, тој не може да се откаже од таа улога“, додаде тој.

Како што инвазијата на Украина се приближува кон четвртата година, рускиот претседател има повеќе причини да биде самоуверен отколку во раните денови од војната, кога Кремљ веруваше дека може да ја освои земјата за само неколку дена.

Украина се соочува со сериозен недостиг на оружје и работна сила, а Русија остварува бавен, но стабилен напредок. Но, придобивките се бавни и скапи. Се проценува дека руските сили претрпеле околу милион жртви, а војната, исто така, погоди економија која е во рецесија.

И покрај огромните трошоци од војната, завршувањето на конфликтот носи политички ризици за Путин. Кремљ, благодарение на контролата врз медиумите, би можел да го претстави речиси секој мировен договор на јавноста како победа.

Но, вистинската закана не доаѓа од јавното мислење. Со уништувањето на либералната опозиција, најголемата опасност за Путин сега доаѓа од мала, но гласна група националисти на кои тој им вети голема победа, не само против Украина, туку и против „колективниот Запад“.

„Постои желба меѓу јастребите во воено-политичкото раководство да покажат дека НАТО е безвреден“, изјави за ДВ Александар Баунов, поранешен руски дипломат и виш соработник во Центарот Карнеги Русија Евроазија.

Најнови вести од: Свет

330 месеци затвор за планиран атентат врз Трамп

За време на судењето, осудениот тврдеше дека „немал друг избор“ освен да ги изврши наредбите, бидејќи лицето кое му давало упатства јасно ставило до знаење дека знае кои се членовите на неговото семејство во Иран и каде се наоѓаат

НАТО и Пентагон разговараат за можното повлекување на американските војници од Европа

Би можело да дојде до намалување на бројот од 80.000 американски војници кои моментално се стационирани на европскиот континент, а целта е да се поттикне Европа да преземе поголем ангажман, овозможувајќи ѝ на американската војска да се фокусира на своите глобални обврски.

Јапонските средношколци што учат македонски јазик во Токио добија вежбанки и книги

Учениците од здружението добиле работни тетратки за вежбање на македонскиот јазик, материјали од „Бушава азбука“, Македонски бајки, како и традиционални омијаге (сувенири) во вид на македонски чоколади и слатки, соопшти Јапонската амбасада

To top