Свет

Пакистан го предлага Трамп за Нобелова награда за мир

Пакистан во објава на X соопшти дека американскиот претседател Доналд Трамп треба да ја добие Нобеловата награда за мир во 2026 година „како признание за неговата одлучна дипломатска интервенција и клучно водство за време на неодамнешната индиско-пакистанска криза“, јавија медиуми Но, Индија, вклучувајќи го и премиерот Нарендра Моди, тврди дека прекинот на огнот меѓу Њу […]

2 минути за читање

Пакистан во објава на X соопшти дека американскиот претседател Доналд Трамп треба да ја добие Нобеловата награда за мир во 2026 година „како признание за неговата одлучна дипломатска интервенција и клучно водство за време на неодамнешната индиско-пакистанска криза“, јавија медиуми

Но, Индија, вклучувајќи го и премиерот Нарендра Моди, тврди дека прекинот на огнот меѓу Њу Делхи и Исламабад е резултат на директни воени разговори и дека Вашингтон никогаш не бил вклучен во медијација.

Трамп во петокот го повтори своето тврдење дека посредувал меѓу Индија и Пакистан и се пожали дека нема да биде почестен со Нобелова награда за мир за „запирање“ на можна војна меѓу двете земји минатиот месец.

Тој вели дека е заслужен за 4-5 Нобелови награди за мир, но е сигурен дека нема да му биде доделена.

„Нема да добијам Нобелова награда за запирање на војната меѓу Индија и Пакистан. Нема да добијам Нобелова награда за запирање на војната меѓу Србија и Косово, нема да добијам Нобелова награда за мир за одржување на мирот меѓу Египет и Етиопија и нема да добијам Нобелова награда за мир за спроведување на договори на Блискиот Исток…“, објави Трамп на својата платформа на социјалните медиуми, Truth Social.

„Не, нема да добијам Нобелова награда за мир, без разлика што ќе направам, вклучувајќи ги Русија/Украина и Израел/Иран, какви и да се тие исходи, но луѓето знаат и тоа е сè што ми е важно!“, додаде тој.

 

Поврзани теми:

топ|трамп|Пакистан|Нобел за мир

Повеќе на оваа тема:

Најнови вести од: Свет

Ескалира ситуацијата во Иран: убиени најмалку 50 демонстранти и 15 припадници на безбедносните сили биле убиени, а околу 2.300 се уапсени

Во саботата американскиот претседател Доналд Трамп, кој последните денови постојано се закануваше со воен напад врз Иран, објави на социјалните мрежи: „Иран сака слобода, можеби како никогаш досега. САД се подготвени да помогнат!“

Илјадници пожарникари во Австралија се борат со најлошите шумски пожари по „Црното лето“ од 2019-2020 година

Во Австралија повеќе од 130 објекти, вклучувајќи куќи, се уништени, а околу 38.000 домови и бизниси останаа без електрична енергија од пожарите, соопштија властите, додавајќи дека ова се најлошите пожари во државата од таканареченото „Црно лето“ од 2019-2020 година, кога шумските пожари уништија област со големина на Турција и убија 33 Австралијанци.

Челникот на швајцарскиот кантон гневен, поради изостанувањето инспекции во барот, во кој загинаа 40 луѓе

Челникот на швајцарскиот кантон каде што 40 млади луѓе загинаа во пожар во бар на новогодишната ноќ го изрази својот гнев поради тоа што локалните власти речиси шест години не извршиле никаков увид во објектот во кој се одигра трагедијата, додека обвинителите ги засилуваат своите напори да ги повикаат одговорните на одговорност. 

„Политико“: „Патриотите за Европа“ се закануваат дека ќе ги кренат во воздух ЕК и Лаен, но ќе им пропадне обидот да им изгласаат недоверба!

Претседателот на групата „Патриоти за Европа“ во Европскиот парламент лидерот на партијата Национално собирање на Франција Џордан Бардела го објави планот за предлог за изгласување недоверба на Урсула Лаен во четврток вечерта на општествената платформа икс. Неговата партија Националното собрание на Франција, се спротивставува на трговскиот договор меѓу ЕУ и јужноамериканскиот блок Меркосур, за кој се залагаше фон дер Лаен. Квалификувано мнозинство од земјите-членки на ЕУ во петокот го одобрија долгоочекуваниот трговски договор, на кој се спротивстави Франција. „Се надевам дека ќе го поднесеме [предлогот за недоверба] на гласање оваа јануарска седница.“ – изјави за „Политико“ висок функционер на групата „Патриоти за Европа“.

Водачот на најбројната бунтовничка група во Колумбија ФАРК повика на „обединување за борба против американска интервенција“

Водачот на најбројната бунтовничка група на Револуционерните вооружени сили на Колумбија (Fuerzas Armadas Revolucionarias de Colombia – FARC), Нестор Грегорио Вера, во видео порака, повика на обединување на сите герилци во оваа латиноамериканска земја со цел „борба против американската интервенција“. „Сенката на интервенционистичкиот орел се надвива подеднакво над сите. Судбината нè повикува да се обединиме. Ние не сме раштркани сили, ние сме следбеници на истата цел. Да го покажеме нашето единство со дела и да создадеме голем блок со кој ќе го истиснеме непријателот од нашата татковина“, им порача Грегорио Вера на членовите на Националната ослободителна армија (ELN) и Боливарската герилска армија, групи кои се отцепија од FARC.
Сите вести од Свет

Најнови вести

To top