Поранешниот американски претседател Џо Бајден неодамна беше подложен на операција за отстранување на канцерогени клетки од кожата, соопшти неговиот портпарол, пренесува „Ен-Би-Си Њуз“.
Операцијата, позната како Мохс хирургија, се користи за лекување на најчестите форми на рак на кожата. Претходно годинава, канцеларијата на Бајден објави дека му е дијагностициран агресивен, но лечлив рак на простатата, потсетува ДПА.
Бајден, кој го заврши претседателскиот мандат во јануари, е најстариот претседател во историјата на САД. Тој планираше повторно да се кандидира за претседател од Демократската партија во 2024 година, но се повлече од трката по неколку слаби настапи, вклучително и катастрофалната телевизиска дебата со Доналд Трамп, што предизвика загриженост за неговата физичка и ментална способност за вршење на функцијата.