Свет

„Потполно неприфатливо“: Трамп го одби мировниот предлог на Иран

Иранскиот план повикува на прекин на војната на сите фронтови и предвидуваа САД да мора да платат воени репарации, а Техеран, исто така, побарал целосен суверенитет над Ормутскиот теснец, укинување на санкциите и ослободување на запленетиот ирански имот

2 минути за читање

Иранските државни медиуми го објавија предлогот на САД за прекин на војната на Блискиот Исток како повик до Техеран да се предаде.

Прифаќањето на предлогот би значело дека Исламската Република ќе се поклони пред „прекумерните барања“ на американскиот претседател Доналд Трамп, коментираше рано утрово Прес ТВ, телевизиска станица поврзана со иранското раководство.

Спротивно на тоа, иранскиот план повикува на прекин на војната на сите фронтови и предвидува дека САД мора да платат воени репарации, објавија државните медиуми. Според иранските државни медиуми, Техеран, исто така, побарал целосен суверенитет над Ормутскиот теснец, укинување на санкциите и ослободување на запленетиот ирански имот.

Според извештаите, раководството во Техеран го отфрли предлогот на САД. Трамп претходно го критикуваше одговорот на Иран на предлогот на САД за прекин на војната како „ЦЕЛОСНО НЕПРИФАТЛИВ“.

Тој изјави за новинската веб-страница Аксиос дека ќе го отфрли „несоодветниот“ одговор на Иран. „Не ми се допаѓа нивниот одговор“, рече Трамп, одбивајќи дополнително да ја објасни содржината на писмото.

Тензиите во регионот ескалираа откако САД и Израел започнаа напади врз Иран на 28 февруари, предизвикувајќи ирански одговор против Израел и сојузниците на САД во Персискиот Залив, како и затворање на Ормутскиот теснец.

Примирјето стапи на сила на 8 април со посредство на Пакистан, но разговорите во Исламабад не доведоа до траен договор.

Примирјето подоцна беше продолжено на неодредено време од страна на американскиот претседател Доналд Трамп со цел да се отвори простор за дипломатија и трајно решение на конфликтот.

Трамп не кажа дали САД ќе продолжат со преговорите. Спорот околу нуклеарната програма на Иран не беше споменат во одговорот, според извештаите, пренесува ДПА.

Поврзани теми:

војна|САД|топ|трамп|предлог|Иран

Повеќе на оваа тема:

Најнови вести од: Свет

Холдер: Американски интерес е Македонија да се приклучи кон ЕУ

Идниот амбасадор одговори потврдно на прашањето на член на член на Комитетот за надворешни работи на Сенатот за време на сослушувањето дека во американски интерес е Македонија да успее да се приклучи кон ЕУ

Трамп: Знам повеќе за сè од кој било друг во светот

Американскиот претседател Доналд Трамп повторно го привлече вниманието на јавноста со невообичаено фалење на предизборен митинг во Алабама, во пресрет на претстојните избори на средината на мандатот, тврдејќи пред собраните поддржувачи дека знае повеќе за сите можни теми од кој било човек во светот.

(Видео): Руски дрон го погоди Северниот мост во Киев додека по него се движеа автомобили

Украинските власти подготвуваат алтернативни начини за поврзување на двата брега на Киев во случај мостовите преку Днепар да бидат оштетени во руските напади. Планот вклучува понтонски премини и насипи, а на подолг рок се разгледува и можноста за изградба на тунел под реката. Целта е, во случај на оштетување или затворање на постоечките мостови, да се овозможи непречено поврзување на левиот и десниот брег на Киев.

Сите вести од Свет

Најнови вести

To top