Свет

Премиерот на Канада до Трамп за преименувањето на езерото Онтарио во „Америка“: Своето име го носи 400 години пред да настанат САД!

Канадскиот премиер Марк Карни се огласи откако американскиот претседател Доналд Трамп донесе одлука езерото Онтарио да го преименува во „Езеро Америка“.

Осврнувајќи се на одлуката на Белата куќа, Карни му одржа и кратка лекција на Трамп за историјата на името на езерото. „Името на езерото Онтарио потекнува од зборот „Ontari’io“ од јазикот на народот Вендат, што, сосема соодветно, значи ‘езерото е убаво, езерото е големо’. Тоа име е старо повеќе од 400 години, што значи дека настанало пред Канадската конфедерација и Декларацијата за независност на Соединетите Американски Држави“, рече Карни.

Тој истакна дека, и покрај одлуката на САД, во Канада езерото ќе го задржи името што го носи повеќе од 400 години. „Знаеме дека Америка се менува. Се менуваат нејзините трговски односи, надворешната политика, националните споменици и хидронимите. Канаѓаните исто така знаат дека именувањето на реалноста подразбира дека тоа е езерото Онтарио – некогаш, сега и засекогаш“, порача канадскиот премиер.

Американскиот претседател Доналд Трамп во четвртокот потпиша извршна наредба со која езерото Онтарио, во американскиот систем на географски имиња, се преименува во „Езеро Америка“, во услови на ново заострување на трговскиот спор со Канада. Со наредбата Трамп му наложи на американското Министерство за внатрешни работи да го промени името во американската служба за географски имиња, но Канада не е обврзана да ја прифати промената.

Потегот доаѓа откако пропаднаа преговорите меѓу двете земји, а Вашингтон најави царини од 50 отсто за канадска стока вредна 20 милијарди долари.

Најнови вести од: Свет

330 месеци затвор за планиран атентат врз Трамп

За време на судењето, осудениот тврдеше дека „немал друг избор“ освен да ги изврши наредбите, бидејќи лицето кое му давало упатства јасно ставило до знаење дека знае кои се членовите на неговото семејство во Иран и каде се наоѓаат

НАТО и Пентагон разговараат за можното повлекување на американските војници од Европа

Би можело да дојде до намалување на бројот од 80.000 американски војници кои моментално се стационирани на европскиот континент, а целта е да се поттикне Европа да преземе поголем ангажман, овозможувајќи ѝ на американската војска да се фокусира на своите глобални обврски.

Јапонските средношколци што учат македонски јазик во Токио добија вежбанки и книги

Учениците од здружението добиле работни тетратки за вежбање на македонскиот јазик, материјали од „Бушава азбука“, Македонски бајки, како и традиционални омијаге (сувенири) во вид на македонски чоколади и слатки, соопшти Јапонската амбасада

To top