Четири астронаути полетаа од вселенскиот центар Кејп Канаверал Флорида на мисијата Артемис II на НАСА што претставува најсмел чекор на Соединетите Американски Држави кон враќање на луѓето на површината на Месечината оваа деценија.
Ракетата, на чиј врв се наоѓа капсулата на екипажот Орион, беше лансирана непосредно пред зајдисонце во 18:35 часот по локално време.
Астронаутите на НАСА Рид Вајзман, Виктор Гловер и Кристина Кох, и астронаутот на Канадската вселенска агенција Џереми Хансен се подготвени за речиси 10-дневна експедиција околу Месечината и назад.
Четирите астронаути ќе направат патување со голема брзина околу Месечината и назад во првата мисија со човечки екипаж на Месечината од ерата на Аполо, објави Ројтерс.
„Артемис“ е дизајниран да ги врати астронаутите на површината на Месечината подоцна оваа деценија со помош на комерцијално развиен лендер, чекор што НАСА го смета за неопходен пред идните мисии на Марс.
„СпејсИкс“ на Елон Маск и „Блу Ориџин“ на Џеф Безос се натпреваруваат за обезбедување на лендерот на Месечината, дел од напорите на НАСА да привлече приватни компании да снабдуваат опрема за истражување на длабоката вселена.
Се очекува првиот екипаж на „Артемис“ што ќе стапне на Месечината да го користи тој лендер.