САД одржуваат редовни разговори со Данска за проширување на своето воено присуство во Гренланд, велат луѓе запознаени со дискусиите цитирани од Би-Би-Си.
Разговорите напредуваат во последните месеци, објавува британскиот медиум.
Тимови од двете земји се состанале најмалку пет пати од средината на јануари.
Вчера, премиерот на Гренланд, Јенс-Фридрих Нилсен, изјави дека разговорите со САД „однесоа неколку чекори во вистинската насока“. Тој отфрли повеќе прашања, велејќи дека разговорите се во тек и не може да навлегува во детали.
Американците сакаат да отворат три нови бази во јужниот дел на Гренланд, кој е автономна територија на Данска, додека се обидуваат да ја смират дипломатската криза предизвикана од заканите на претседателот Доналд Трамп дека ќе го преземе островот со сила.
Во јануари, Трамп објави дека САД треба да го добијат Гренланд за да го заштитат од Русија и Кина. Ова може да се направи на лесен и тежок начин, алудираше претседателот во тоа време. Сега, прашањето дали САД ќе ја добијат контролата врз островот на некој начин не е покренато во разговорите.
Белата куќа потврди за Би-Би-Си изјавија дека се многу оптимисти дека разговорите одат во вистинската насока.
Данска претходно изрази подготвеност да разговара за нови американски бази на островот, а Министерството за надворешни работи во Копенхаген, исто така, потврди дека разговорите се во тек.
„Во тек се дипломатски разговори со САД. Стејт департментот нема да навлегува во детали во оваа фаза“, изјави портпарол на министерството.
Tрите нови воени бази официјално ќе бидат прогласени за суверена територија на САД, според извор запознаен со преговорите.